FATTOHHON.COM
« Все новости
Актёр ва режиссёр Жавлон Шодмонов суратга олаётган “Хазина қаерда” фильмининг номи ўзгарди. Фильм эндиликда, “Хазина” операцияси” номи билан август ойининг охири, сентябрь ойининг бошларига катта экранларга чиқиши кутилмоқда. * * * * * * * * * * Шунингдек, ҳозирда Жавлон Шодмонов яна бир янги бадиий фильмни суратга олиб улгурди. Ҳозирда монтаж ишлари кетаётган мазкур фильмга ҳозирда икки ишчи номдан бирини танлаш масаласи ҳал қилинмоқда. Бу номлар “Турсунбой”, ёки “Дадамнинг дадаси”! Фильмда бош ролларни ҳам драматик, ҳам комик ролларни қойиллатадиган актёр Муҳаммадисо Абдулхаиров, “Пайшанбадан пайшанбагача” фильми орқали танилган ёш актёр Турсунбой Пўлатов, актриса Ҳосият Ҳусанова ва истеъдодли актёр Толиб Мўминов ижро қилишмоқда. Шунингдек, Ражаб Адашев, Муқаддас Ҳолиқова ва бошқа кўплаб таниқли санъаткорларни ҳам турли эпизодларда кўришимиз мумкин. Актёр ва режиссёр Жавлон Шодмоновнинг ўзи ҳам фильмда битта эпизодда эсда қоларли ролни ижро этди. Фильм фантастик комедия жанрида суратга олинган! Фильм тарбиявий аҳамиятга эга бўлиб, “Ҳар ким ўз ўрнида ва ҳар нарса ўз вақтида бўлгани яхши” деган маънони илгари суради! Саида Вахобова тайёрлади
