FATTOHHON.COM

ШОИР ВА ПРОДЮСЕР БОБУР БОБОМУРОД ВА ХОНАНДА ШИРИН (ФАРҲОД ВА ШИРИН ДУЭТИ)НИНГ ТУҒИЛГАН КУНИДАН! 27.02.2015 20:31

27 февраль куни «Буюк ипак йўли» ресторанида шоир ва продюсер Бобур Бобомурод ва унинг шогирди хонанда Ширин (Фарҳод ва Ширин дуэти)нинг туғилган куни бўлиб ўтди!

Туғилган кунда Бобур Бобомурод ва Шириннинг яқинлари, дўстлари, қадрдонлари, кўплаб шоу бизнес вакиллари иштирок этишди.

Жумладан, хонандалар Фарҳод Саидов (Сарбон гуруҳи), Илҳом Фармонов, Сардор Раҳимхон, Дилноза Исмиянова, Юлдуз Турдиева, Ирода Иралиева, Дилсўз, Сайёраи Жаҳон, Афсона, Фарҳод, бастакор Аҳмад Ҳожиматов, “Замин” студияси раҳбари режиссёр Саъдулла Абдуллаев, журналист Шоҳира Ҳамро ва бошқалар...

Ҳар бир ижодкор, Бобур ака ва Ширинни чин дилдан самимий табриклаб, чиройли тилаклар билдиришди.

Айниқса, Сардор Раҳимхоннинг Бобур Бобомуроддан сўраган нарсаси ҳаммани ҳайрон қолдирди ва олқишларга сабаб бўлди! Сардор Раҳимхон ҳазиломуз тарзда Бобур акадан “мўйлови”ни сўради.)))))) Бобур ака эса, бунга жавобан мўйловсиз жуда ёшариб кетишини айтди!))))

Шу каби самимий ҳазиллар билан кеча давом этди! Хонандалар ўзларининг шўх қўшиқлари билан даврани янада қизитишди.

Кеча якунига яқин хонандалар Дилноза Исмиянова, Юлдуз Турдиева, Ирода Иралиева, Дилсўз, Сайёраи Жаҳон, Афсона ҳамда, Фарҳод Саидов (Сарбон гуруҳи) ва Фарҳод жонли ижрода куйлаб беришди! Айниқса, Фарҳод Саидов (Сарбон гуруҳи)нинг Юлдуз Турдиева ва Фарҳод билан жонли ижрода айтишуви жуда кўтаринки руҳда бўлди!

Кеча якунида эса, Бобур ака ва Ширин ўзлари учун махсус совға сифатида келтирилган тортларни кесишди, ҳамда меҳмонларга ширинлик улашдилар.

Кечанинг яна бир қизиқ жиҳати, Юлдуз Турдиева ўзининг бир тадбирдаги чиқишини кўриш учун, кафедаги телевизорни ёқтириб, керакли телеканалга қўйдирди! Бир ёқда ўйин-кулги, бир ёқда эса, телевизор ҳам кўрдик!