FATTOHHON.COM
« Все новости 
25 август куни “Алишер Навоиий” (собиқ “Панорама”) киносаройида режиссёр Саид Мухторовнинг «Рашк» фильми премьераси бўлиб ўтди. Премьера куни киносаройда кўплаб шоу бизнес вакилларини учратиш мумкин эди.
Фильм намойиши олдидан, фильм ижодкорлари саҳнага таклиф қилиндилар.
Фильм X-Frame Media Produсtion студияси томонидан суратга олинган.
Продюсер Иззат Юсупов
Режиссёр Саид Мухторов
Сценарий муаллифлари Феруза Фаттохова, Саида Вахобова
Бош ролларда Гулчеҳра Эшонқулова, Улуғбек Қодиров, Севара Солиева
Шунингдек, Матёқуб Матчонов,
Саида Раметова,
Муҳаммадисо Абдулхаиров,
Камолиддин Қосимов, Санжар Шодиев ва бошқалар...
Афсуски, актёр Улуғбек Қодиров шу куни сафарда бўлганлиги учун премьерада иштирок эта олмади.
Фильмга Ўзбекистон Халқ артисти Гулсанам Мамазоитованинг “Ёр-ёр” қўшиғи саундтрек қилиб олинган.
Фильм намойиши бошланди.
Фильмда бир неча жанрлар уйғунлаштирилгандек, яъни, комедик драма.
Фильмнинг сценарийсининг аввалги вариантидан хабардорлигим учун ҳам, айтишим мумкинки, сценарий суратга олиш жараёнида режиссёр томонидан линия сақлаб қолинган ҳолда, ўзгартирилган. Аммо, финал ҳам, сценарийдагидек эмас. Аввалига суратга олиш жараёнида бир ёши катта актёрнинг таклифига кўра финал ўзгарган, сўнг, суратга олиб бўлингач, бадиий кенгаш томонидан яна баъзи кадрлар қисқартирилиб, яна ўзгартирилган.
Фильмдаги актёрлар ижроси профессионал. Масалан, актриса Гулчеҳра Эшонқулова айнан мана шу “Рашк” фильми орқали яна катта экранга қайтди, дейиш мумкин. У ўз қаҳрамонининг ҳолатини тўлиқ очиб бера олган. Шунингдек, ўз ролидаги рус тилида сўзлаши керак бўлган жойларини ҳам, дубляжда ўз овози билан гапирган. Актрисанинг фильмда ўзига хос таъсирли рақсини ҳам, алоҳида айтиб ўтиш мумкин.
Актёр Улуғбек Қодиров қаҳрамони машҳур съёмкалар билан банд актёр, аммо, бироз қаъиятсизроқ, ўз оиласига касби туфайли бироз эътиборсизроқ инсон. Ўз қаҳрамонини Улуғбек Қодиров ҳам, ишонарли ижро қилган.
Актриса Севара Солиеванинг “Рашк” фильмидаги бу роли илк салбий ролидир. Салбий бўлганида ҳам, унинг ўзига яраша ҳақиқати бор.
Фильмдаги Муҳаммадисо Абдулхаиров ва Санжар Шодиевлар ижросидаги образлар орқали бугунги кундаги айрим фирибгар кимсалар танқид остига олинган. Фильмдаги кекса грузин қария орқали орқали, кексаларни ҳурмат қилиш зарурлиги, ўзбек халқи азалдан қарияларга иззат кўрсатиши кўрсатилган.
Фильмда таъсирли саҳналар ҳам, комедик ҳолатлар ҳам мужассам ва бир-бирига уйғунлашиб кетган. Фильм мазмунан тарбиявий аҳамиятга эга, яъни унда оила муқаддас эканлиги, инсон, айниқса аёл киши арзимаган сабаб билан енгил ўйлаб, ўз оиласининг бузилиб кетишига йўл қўймаслиги кераклиги воқеалар ривожи орқали кўрсатиб берилган. Шунингдек, инсонлар дилини оғритиш ҳам яхшиликка олиб келмаслиги ҳам эътироф этилган.
Фильм ғояси қандай туғилганлиги ва қайси асардан асосида, илҳомланиб яратилганлиги “Рашк” фильми титрларида келтириб ўтилган, шунингдек, премьера куни саҳнада ҳам эълон қилинди.
“РАШК” ФИЛЬМИ 26 АВГУСТДАН ЮРТИМИЗ КИНОТЕАТРЛАРИДА НАМОЙИШ ҚИЛИНМОҚДА!
Лазокат Умарова
Фото Ашраф Ходжаев
