FATTOHHON.COM
« Все новости 
Хонанда, актёр ва телебошловчи Отабек Муталхўжаевнинг Дилшод Маҳкамов сўзи, Сиёвуш Рамазонов мусиқаси билан куйлаган “Дунё учун севма мени” қўшиғи, сайтимизда премьера қилинган эди.
Эндиликда, 26 август куни тонгдан бошлаб, мазкур кўшиққа видеоклип суратга олиш ишлари бошлаб юборилди.
Клип режиссёри Тимур Пиримқулов
Клипни суратга олиш ишлари бир неча объектларда мўлжалланган. Клип суратга олиш учун катта ижодий гуруҳ меҳнат қилмоқда.
Клип сюжет йўналишида суратга олинмоқда.
Отабек Муталхўжаевнинг бу клипдаги қаҳрамони жуда ҳам мураккаб тақдирли инсон!
Отабек Муталхўжаев: - Бугун тонгги соат 07.00 дан буён суратга олиш ишлари билан бандмиз. Режиссёр Тимур Пиримқулов билан биргаликда ишламоқдамиз. Бош қаҳрамон ўзим, дўстим ролида Азиз Раметов, шунингдек, илк маротаба дебютант актриса Нозимахон билан биргаликда ишламоқдамиз. Клипни суратга олиш жараёнлари бироз қийинроқ кечмоқда. Клипни ғоясини ўзим сценарий муаллифига бердим. Улар Тимур Пиримқулов билан биргаликда ишлаб чиқишди.
Фильмда асосан бир инсоннинг турли ҳолатлари акс этади. Бир неча хил ҳолатни биттада кўрсатиб беришим керак. Клип монтаж ишлари билан қўшиб ҳисоблаганда, 10 кунлардан сўнг тайёр бўлади.
Клипда шунингдек, киноактёр Камолиддин Қосимов ҳам, жиддий роллардан бирини ижро қилмоқда.
Актёр, хонанда ва режиссёр Азиз Раметов эса, клипда салбий қаҳрамонни ижро қилмоқда. Кўплар, “томошабин мени ёмон кўриб қолади” деган фикрда бундай ролларни рад этади. Аммо, Азиз Раметов, актёр ҳар қандай ролни маромига етказиб бериши керак, деб ҳисоблайдиган, истеъдодли актёрлардан.
Азиз Раметов: - Аввало шуни айтишим керак, клип суратга олинаётган қўшиқ, менга жуда ҳам ёқди. Отабек билан офисимиз ҳам ёнма-ён бўлгани учун ҳам, қўшиқни яралиш жараёнидан менга маъқул бўлганди. Отабек билан дўстона бирга ижод олиб боряпмиз. Гуруҳ бўлиб ишлаган ҳар доим яхши. Клипдан маъно шуки, мол-дунё келадиган ва кетадиган нарса, ана шу жараёнда сиз билан ҳамнафас бўлиб яшаётган рафиқангиз, ҳар доим ёнингизда бўлса, ҳаётда бу эркак кишининг энг катта кучи, ғурури, яна бир мадади бўлади.
Клипда ана шу жиҳат ҳам эътиборга олинган. Бу клип “Обод турмуш” йилида Отабекнинг мухлисларига кичик бир совға бўлади, деб ўйлайман.
Отабек Муталхўжаевнинг продюсери, киношунос, журналист Феруза Нодирова билан суратга олиш объектларидан бирига борган вақтимиз, клип суратга олиш ишларининг бир қисми якунланди. Ижодий гуруҳ, биргаликда иккинчи объектга йўл олдик.
ДЕМАК, ОЛДИНДА, СУРАТГА ОЛИШ ИШЛАРИНИНГ 2-ҚИСМИ. УНДА РЕЖИССЁР ТИМУР ПИРИМҚУЛОВ ВА ПРОДЮСЕР ФЕРУЗА НОДИРОВАНИНГ ФИКРЛАРИ, ҲАМДА БАССЕЙН БИЛАН БОҒЛИҚ СУРАТГА ОЛИШ ИШЛАРИ, ОТАБЕКНИ ҚАНДАЙ ХАВФЛИ ИШНИ АМАЛГА ОШИРИШИ ҲАҚИДА ХАБАРДОР БЎЛАСИЗ.
САЙТИМИЗДА, КУЗАТИШДА ДАВОМ ЭТАМИЗ.
Саида Вахобова
Феруза Фаттохова
