FATTOHHON.COM
« Все новости 
21 сентябрь куни «Ўзбегим таронаси» радиосининг “Юлдузли хит-парад” гала-концерти бўлиб ўтди.
Бу концертда шу кунгача, мазкур радио хит-парадларида энг юқори ўринларни банд этган, томошабинларнинг энг кўп эътирофларига сабаб бўлган, энг хит қўшиқлар янгради!
Концерт дастурини радиобошловчи Дилмурод Ғуломов ва ҳамкасб қиз олиб боришди.
Илк қўшиқ сайтимизда премьера қилинган Ойхон Ифорзоданинг таъсирли ва ўзгача услубдаги «Ёр-ёр»и бўлди!
Сўнг, “Азиа стар” гуруҳи, Мердан, “Аъло” гуруҳи чиқишди.
Динейра нафақат қўшиғи, балки ўзига хос европача имиджи билан ҳам, ажралиб турди.
Райҳон эълон қилингач, техник носозлик юз берди.
Лекин, Райҳон ўзининг ажойиб рақслари, ҳамда бир жуфт хит қўшиғи билан томошабинларни кайфиятини кўтариб юборди.
“Афрўз” гуруҳи, Амира Алибекова, Умидахон, “Сетора” гуруҳи чиқишди.
Улуғбек Раҳматуллаев ўзининг супер хити билан барчани қувонтирди!
Собиқ “Беном” яъни, Сарвар ва Комилга навбат келди.
Ҳомиладор Зиёда оппоқ либосда барчанинг олқишига сазовор бўлди.
Сардор Раҳимхон “Бомбей” қўшиғини куйлаганда, унинг атрофига болажонлар тўлиб кетди.
У яқинда “Тасвир” газетасига берган интервьюсида болажонлиги ҳақида айтган эди. Бу чиқиш бунинг исботи бўлди!
Шахзоданинг чиқиши чинакамига кутилган бўлди! Томошабинларнинг қувончлари чексиз, “Чико” супер хит!
Шахзода фарзанди дунёга келгунга қадар тиним билмасликка аҳд қилганлиги аниққа ўхшайди!
Шохруххон ажойиб рақс гуруҳи билан,
Нилуфар Усмоновадан “Ниқоб” ва назокатли чиқиш, Лола замонавий имиджда,
ҳамда Манзура чиройли қўшиқ, имидж ва эмоция уйғунлашуви билан! (Манзуранинг имиджи, стилист Февзи Ягьев ва Зулфия Султон либоси. Концерт дастури якунида “Божалар” Жаҳонгир Позилжонов! Ўзининг позитив чиқиши билан барчанинг руҳиятини аъло даражадан ҳам ўтказиб юборди!
Гала-концертда барча кутган тақдирлаш маросими ўтказилмади, балки барчага манзур чиройли концерт кўринишида бўлди. Бир тарафдан ҳар йилги анъанага ўзгартириш киритилди. Ўйлайманки, ижодкорларнинг қўшиқларини мана шу концертда янграганлигининг ўзи, бу қўшиқларни тақдирланишга муносиблигини билдиради!
Феруза Фаттохова
Фотолар учун Шерзод Икрамутдиновга алоҳида миннатдорчилик билдирамиз
