FATTOHHON.COM
« Все новости 
Шахзоданинг фан-клуби “Кексаларни эъозлаш йили”га бағишлаб, “Саховат” уйида кексалар учун хайрия тадбирини ташкиллаштиришди.
Тадбирда фан-клуб аъзолари кексаларни ўтган байрамлар билан самимий қутлашди ва спектакллардан парчалар намойиш этишди, ҳамда қўшиқларга пародияларни ҳам амалга оширишди.
Тадбирнинг энг кутилган меҳмони эса, шубҳасиз Шахзода бўлди! У билан бирга тадбирга актриса Шахзода Матчонова ҳамда
“Тарона” студияси директори Даврон Муқимов ҳам келишди.
Кексалар Шахзодани кўриб, жуда қувонганликлари билиниб турарди.
Улар Шахзоданинг қўшиқларига берилиб рақсга тушишди. Шахзода ҳам ҳар бир қўшиқни улар билан рақсга тушиб, куйлади.
Тадбирда шунингдек, Илҳом Фармонов ва
Умар Шамсиев ҳам иштирок этишди.
Хайрли ишни ҳар ким, ҳар куни қилиши керак, дейишади. Шахзоданинг фан-клуби ва севимли хонанданинг ўзи, кексаларни кўнглига ҳақиқий баҳорий қувонч олиб кирганликлари шубҳасиз.
