FATTOHHON.COM
« Все новости 
Сардор Раҳимхон, Достон Убайдуллаев, Дилсўз ва Зуҳра Солиева “Наврўз” байрамини ўзгача бир руҳда нишонлашни режалаштиришди.
Ўша куни режага кўра, ҳаммалари йиғилиб, бирга сумалак тайёрламоқчи бўлишди!
Белгиланган куни, ҳамма йиғилди, лекин Зуҳра Солиева съёмка баҳона кеч қолди!
Улар эса, ишни Зуҳра Солиевасиз бошлаб юборишди. Сумалак тайёрлаш учун чиройли қилиб, буғдой ҳам ундирилганди.
Дўстлар қозон-ўчоқларни олиб чиқиб, сумалакка тайёргарликни бошлашди.
Шу пайт Сардор Раҳимхоннинг кўзи маза қилиб, копток ўйнаётган қўшни болакай Абдулазизга тушди. Болакайни копток ўйнаши уни завқлантириб юборди. Бола коптокни жуда маҳорат билан ўйнаётгани, унга болаликда маза қилиб, футбол ўйнаганларини эслатиб юборганди.
Сардор Раҳимхон завқланиб, болакайни саволга тутди.
Болакай билан бирга футбол ўйнайман, деганда кўм-кўк унган буғдойни кўтариб, сумалакка тайёргарлик кўраётган Достон Убайдуллаевнинг уларга кўзи тушди.
Буғдой ҳам эсдан чиқдию, бориб уларнинг суҳбатига қўшилиб,
иккаласи болакайни чалғитиб, коптокни олиб қўйишди.
Қарабсизки, футболга берилиб кетишди!
Бу вақтда қўшнининг қаровсиз қолган қўзичоғи ҳовлига кирдию, ерда турган буғдойни маза қилиб еб қўйди!
Сардор ва Достон бундан бехабар ўйинда давом этишарди.
Бир пайт сумалакка тайёргарлик қилаётган Дилсўз уйдан чиқдию, кўзи сумалак учун ўстирилган кўм-кўк буғдойни маза қилиб еяётган қўзига тушди! "Вой, бу қўзи қаердан келди? Ахир у буғдойни еб қўйибдию...."
Ана холос! Дилсўз шошиб, қўзини ҳайдашга тушди. Ҳаттоки, оёқ кийимини ечиб, уни урмоқчи ҳам бўлди.
Унинг ҳай-ҳайлашини эшитиб, футбол билан банд Сардор ва Достон ҳам буғдой еётган қўзини кўришди.
Улар қўзини ушлаб олишди!
Аммо, кеч бўлганди! Қўзи ҳамма буғдойни еб улгурган эди!)))))
“Айбдор” қўзини “қозонга босамиз, ош ёки мазали кабоб бўлади!” таклиф киритди Достон!
“Йўғ-ей, у ахир атайлаб қилгани йўқ-ку, қаранглар ўзи беозоргина қўзичоқ бўлса!” Дилсўз қўзичоқнинг ёнини олди.
Сардор Раҳимхон ҳам бу йил қўй йили бўлгани учун, “бу йил қўй йили, қут-барака” дея, “айбдор” қўзичоқни сўймаслик тарафдори бўлди! Хуллас, дўстлар қўзини сўйишмади, лекин сумалак режаси “тагига олди”! 
Аммо, дўстлар кайфиятни туширишмади! Ҳаммалари биргаликда баҳорий салатлар тайёрлашга киришишди!
Уччови бирга “Кўклам” ва “Баҳор” салатларини тайёрлашди!
Салатлар тайёр бўлганда “тузини тотиб кўриш учун” Зуҳра Солиева ҳам етиб келди!))))))
“Мен тайёрлаш эмас, татиб кўришга устаман, шунинг учун ҳам ошпазга турмушга чиққанман!”
У тайёрланган салатларни маза қилиб, “паққос” туширди! Салатлар чиндан ҳам жуда мазали чиққанди! "Салатлар сизга ёқса бўлди Зуҳрахон!"))))
Шу пайт эса, кутилмаганда қўшни болакай Абдулазизжон сумалак олиб чиқди!
“Ана, қўшничилик минг йилчилик, яхшиям қўшнилар бор!” дея, болакайни дастурхонга таклиф қилиб, дўстлар сумалакка қўл чўзишди!
Хуллас, сумалак пиширишолмадию, лекин барибир сумалак ейишди!)))))
Лойиҳа ва ғоя муаллифи, ташкилотчи Феруза Фаттохова
Саида Вахобова
Фотограф Ислом Тўраев
