FATTOHHON.COM
« Все новости 
Ўзбекистон ва Қорақалпоғистон Халқ артисти Озодбек Назарбековнинг “Истиқлол” санъат саройидаги концерти муваффақиятли давом этмоқда!
Концертда шу 2 кун ичидаёқ дастурдан ташқари ўзига хос янгиликлар ҳам бўлиб ўтди!
Концертнинг 1 кунида Қорақалпоғистонлик опера хонандаси, Ўзбекистонда хизмат кўрсатган артист Женисбек Пиязов томошабин сифатида меҳмон бўлиб, Озодбек Назарбеков янги “Дўмбирам” қўшиғидан сўнг, уни саҳнага чорлаб, опера куйлаб беришини таклиф этди.
Женисбек Пиязов ҳам, “Майсаранинг иши” операсидан бир парча куйлаб берди! Унга санъаткор ҳам жўр бўлди!
Концертнинг 2 кунида эса, Ўзбекистонда хизмат кўрсатган артист Мавлуда Асалхўжаева синглиси Гули Асалхўжаева билан бирга меҳмон бўлишди. Шунингдек, Ўзбекистонда хизмат кўрсатган артист Яҳё Мўминов, сўз устаси Зокир Очилдиев, Ўзбекистонда хизмат кўрсатган артист Раъно Ярашевалар ҳам санъаткорни табриклаб, гуллар тақдим этишди.
ЖАРАЁН ВИДЕО! КЎРИШ УЧУН!
1) Мобиль вариант
2) МРG
Концерт бошидан продюсер Тимур Ҳолиқов, ярмидан эса, “Ниҳол” мукофоти совриндори Достон Убайдуллаев, Ўзбекистонда хизмат кўрсатган артист Абдурашид Йўлдошев, ҳамда шоир Ботир Эргашев ҳам келишди. Шунингдек, Озодбек Назарбековнинг кўпгина шогирдлари, жумладан, Ўзбекистонда хизмат кўрсатган артист Алишер Файз, ҳамда хонанда Беҳзодбек Эшонов ҳам шу ерда бўлишди.
КОНЦЕРТНИНГ 2 КУНИДАГИ ЭНГ ҲАММАНИ ЎЙЛАНТИРГАН, ҲАЙРАТГА СОЛГАН ДАСТУРДАН ТАШҚАРИ ҚЎШИҚ ЭСА, ЯНГИ “АЛЛОҲИМГА АЙТИБ БЕР” ҚЎШИҒИ БЎЛДИ! ТИНЧЛИКНИНГ ҚАДРИГА ЕТИШГА УНДОВЧИ БУ ҚЎШИҚ, ҲЕЧ КИМНИ БЕФАРҚ ҚОЛДИРМАДИ! Санъаткор бу қўшиқ ҳақида, қўшиқ яратилишига, интернет орқали тарқалган таъсирли, ҳамда фожеали воқеа, яъни “Сирияда 3 ёшли боланинг ўлим олди айтган “Мен сизларни ҳаммангизни Аллоҳга айтиб бераман” деган сўзлари” сабаб бўлганлигини айтиб ўтди! Бу қўшиқни тинглаганда Мустақил, тинч ва фаровон юртда яшаётганлигимиз учун шукроналик ҳисси кўнгилдан ўтади!
Концерт кунлари давом этмоқда! Ҳар куни тўлиқ жонли ижродаги концерт репертуари ўзгача бўлмоқда!
Асло ёддан чиқарманг, “Истиқлол” санъат саройида!
Cаида Вахобова
Феруза Фаттохова
Фотолар учун фотограф Муҳаммадалига миннатдорчилик билдирамиз