FATTOHHON.COM
« Все новости 
10 апрель куни “Алишер Навоий” киносаройида режиссёр Ёлқин Тўйчиевнинг “Ҳаётда...” фильмининг премьераси бўлиб ўтди.
Кино намойиши олдидан “Ўзбеккино” Миллий агентлиги Бош директор в.б. Аҳмаджон Умаров сўзга чиқиб, ўз фикрларини билдирди.
Сўнг, фильм ижодкорлари саҳнага таклиф этилди.
Режиссёр Ёлқин Тўйчиев
Оператор Рустам Муродов
Постановкачи рассом Ҳилола Шерматова
Асосий ролларда: Бахтиёр Қосимов, Акбархўжа Расулов, Зулхумор Мўминова, шунингдек Адиз Ражабов ва Алишер Узоқов.
Фильмда меҳр –оқибат ва одамийлик туйғуларига кенг ўрин берилган.
Акбархўжа Расуловнинг ноёб хислатга эга қаҳрамони орқали, ҳар бир инсон бу дунёга бошқаларга яхшилик қилиш учун келган, деган фикр илгари сурилгандек бўлса, Бахтиёр Қосимов қаҳрамони тимсолида, ўзини эмас, бошқаларни ўйлайдиган, ҳамиша бошқаларга яхшилик қилиш ниятида бўлган инсон қиёфаси намоён бўлади.
Фильм воқеалари томошабинни ўйлантириб қўяди, ҳамда келажакда ҳар қандай ҳолатда бўлмасин, инсонларга яхшилик қилишга ундайди.
Фильм Психологик драма жанрида суратга олинган бўлиб, асосий ютуқларидан бири унинг ғояси, яъни бу оламда ҳар бир инсон ўзини ҳақ, деб билиши, ҳар бир инсоннинг ўз ҳақиқати бўлиши, ҳамда инсон ҳамиша ҳаётнинг қадрига етиши кераклиги ишонарли равишда кўрсатиб берилган. Қолаверса, фильмнинг яна бир катта ютуғи бу актёрлар ансамбли бўлиб, унда бугунги кундаги таниқли ва маҳоратли актёрлар жамланган.
“Ҳаётда...” фильми 11 апрелдан кинотеатрларда намойиш этилмоқда!
Феруза Фаттохова
Фотолар учун фотограф Муҳаммадалига миннатдорчилик билдирамиз
