FATTOHHON.COM
« Все новости
16 апрелдан бошлаб, Республикамиз бўйлаб “Биз буюк юрт фарзандларимиз” эзгу ғояси остида ёшлар фестивали бошланди! Кенг миқёсда ташкил этилган мазкур фестивал “Камолот” ёшлар ижтимоий ҳаракати, Ўзбекистон Республикаси Олий мажлиси, Халқ таълими ҳамда Олий ва ўрта махсус таълим, Маданият ва спорт ишлари вазирликлари, “Ўзбекнаво” эстрада бирлашмаси, шунингдек, қатор ташкилотлар билан ҳамкорликда ўтказилмоқда.
Мазкур фестиваль апрель-июнь ойларида бутун Республикамиз бўйлаб уюштирилиши режалаштирилган бўлиб, фестиваль доирасида спорт ўйинлари, гала концертлар ва учрашувлар ўтказилиб, унда “Ўзбекнаво” эстрада бирлашмаси хонандалари фаол иштирок этмоқдалар!
Санъаткорлар иштирокида ўтказилаётган тадбирлар фестивалга янада кўтаринки руҳ бағишламоқда!
Фестивалда иштирок этаётган барча ёшлар озод ва обод Юртимизнинг тинчлик-осойишталигини асраш, ҳамда Ватан равнақи учун ўз ҳиссасини қўшиш қанчалик шараф эканлигини ҳис этиб, бу йўлда ўз билим ва меҳнатларини аямасликларини намоён этмоқдалар.
