FATTOHHON.COM
« Все новости 
Ўзбекистон ва Қорақалпоғистон Халқ артисти Озодбек Назарбеков концертининг 20 апрелдаги 14 кунида
санъаткорлар, хонандалар меҳмон томошабин бўлишди!
Концертнинг ҳар бир куни ўзгача ўтаётганлиги сир эмас! Бу куни ҳам, томошабинлар янада ўзгача янгилик, сюпризларга гувоҳ бўлишди!
Биринчи янгилик, концерт бу куни бутунлай ўзгача шоу билан бошланди! Яъни, сўз устаси “Ҳандалакчи” Зокир Очилдиев концертнинг ўзига хос ҳазиллари билан бошлади.
Сўнг, кутилмаганда саҳнага “Божалар” Жаҳонгир Позилжонов чиқиб келди!
Сўнг, Гуласал Абдуллаева,
кейин эса, Улуғбек Раҳматуллаев,
Зиёда,
Илҳом Фармонов ва бошқалар ўз қўшиқлари билан томошабинларни хушнуд этишди!
Сўнг, Зокир Очилдиев санъаткорларни қўшиқларидан агар хонанда бўлмаганларида ким бўлишлари мумкинлигини далиллар асосида айтиб ўтди!
Кейин эса, барча томошабинлар кутган дақиқалар ҳам етиб келди. Саҳнадаги оқ парда кўтарилди, ҳамда Ўзбекистон ва Қорақалпоғистон Халқ артисти Озодбек Назарбеков “Тишинг дур” таронасини куйлаб намоён бўлди!
Нафақат томошабинлар, балки ҳамкасбларнинг ҳам олқишлари тинмади!
Дастур давомида кўплаб сўралган ва янги қўшиқлар жонли ижрода барчага манзур бўлди!
“Оллоҳимга айтиб бер” қўшиғи нафақат томошабинларни балки, санъаткорларни, хонандаларни ҳам йиғлатди! КОНЦЕРТДАН ЁРҚИН ЛАҲЗАЛАРГА ЎТИШ!
Қўл телефонлари бир зум бўлса ҳам тинмади!
Санъаткорнинг концертни ҳар бир кунида, томошабинлар сўраган дастурдан ташқари қўшиқларни куйлаётганлиги сир эмас! Шу куни ҳам, томошабинлар талабига кўра, “Хафа бўламан”, ҳамда “Мажнунтол” қўшиқлари ҳамкасблар билан бирга куйланди!
Олқишлар тинмади!
Озодбек Назарбеков унга гул тақдим қилган Маҳмуджон исмли жажжи болажоннинг истагини ҳам рад этмай, у билан бирга ўзига хос дуэт ҳам ижро қилди.
Бола ҳам санъаткорнинг қўшиқларини ёддан билар экан!
Шунингдек, санъаткорга ҳаттоки ёш бола мухлислари ҳам дилдан совғалар тақдим қилишди!
Ўта кўтаринки руҳда ўтган концерт, томошабинларга хушкайфият бағишлади.
Концертдан сўнг эса, шубҳасиз ҳамкасбларнинг ҳам табриклари тинмади!
7 апрелда бошланган концерт кунлари 25 апрелда якунланади. Шунча кун давомида залда бирорта ҳам бўш ўриндиқ қолмаяпти!
Шунингдек, концертнинг 13 кунида актриса Ҳалима Ибрагимова, ҳамда хонанда Фарҳод Саидов “Сарбон” гуруҳи,
15 кунида эса, барчанинг севимли хонандаси Шахзода ва “Тарона” студияси директори Даврон Муқимов ҳам концертда меҳмон томошабин бўлишди!
Саида Вахобова
Феруза Фаттохова
Фотолар учун фотограф Сардор Азимовга миннатдорчилик билдирамиз
