FATTOHHON.COM
« Все новости
Ойхон бу гал ўз ошхонасида, номсиз таомнинг тайёрланиш сирлари билан бўлишади. Лекин, номсиз бўлгани билан таом ниҳоятда, иштаҳаочар! Буни суратлардан ҳам кўриб, билиш мумкин.
Керакли масаллиқлар:
Макарон - 400гр
Товуқ (ляшкаси) - 2та
Помидор - 4та
Пиёз – 2 та
Кўк пиёз – бир боғ
Кўкат 1 боғ (аслида райҳон қўшиш керак. Лекин, йўқлиги учун бошқа кўкатдан фойдаланилди)
Саримсоқ пиёз (Чеснок) – 2дона
Сметана
Пишлоқ
Макаронни ярим тайёр ҳолига келгунча тузли сувда пиширасиз.
Қозонда ёғни қиздириб, унда аввал саримсоқ пиёзни (чеснок) қовурсангиз овкатга ўзгача таъм қўшилади. Кейин эса, уни олиб ташланг.
Пиёзни қовуринг, сўнгра товуқни суякларидан ажратиб, майдалаб, тўртбурчак шаклда тўғралган помидор билан бирга қозонга солинг. 5дақиқага димланг.
(Помидорнинг пўстини енгил олиш учун, уни “Х” қилиб пичоқ билан кесиб олинг ва қайноқ сувга бир неча дақиқага солиб қўйинг. Сўнг уни совуқ сувда ювасиз ва пўсти қийинчиликларсиз олинади)
Кўкатни майдалаб тўғраб, масаллиқларга қўшинг.
Таъбга кўра сметана солинг (Ойхон суратдаги сметанинг ярмини ишлатди)
Саримсоқ пиёз (Чеснок) қўшинг.
Таъбга кўра туз.
Макароннинг сувини тўкиб бояги массага қўшиб аралаштиринг! 
Сўнг, яна 5 дақиқага димлаб қўйинг.
Овқат тайёр. Уни кўк пиёз ва пишлоқ билан безатиб, дастурхонга тортишингиз мумкин!
Ёқимли иштаҳа!
Келгуси сафар яна “Ойхоннинг ошхонаси”да кўришгунча!