FATTOHHON.COM
« Все новостиЎзбекистон Миллий Паралимпия Ассоциацияси томонидан, Республикамизда паралимпия спорт турларини ривожлантириш, иқтидорли спортчиларни ҳар томонлама қўллаб-қувватлаш мақсадида, кўплаб спорт тадбирлари ўтказилиб келинмоқда.
Ўзбекистон Республикаси Президентининг 2013 йил 25 февралда “2016 йил Рио-де-Жанейрода (Бразилия) бўлиб ўтадиган ХХХI ёзги Олимпия ва XV Паралимпия ўйинларига тайёргарлик кўриш чора-тадбирлари тўғрисида”ги 1923-сонли Қарори ижросини таъминлаш ҳамда, Тошкент шаҳрида паралимпия спорт турларини ривожлантириш, паралимпия спортига ёшларни жалб этиш, улар орасида соғлом турмуш тарзини тарғиб этиш мақсадида, жорий йилнинг 30 июль куни соат 14:00 да “Пойтахт” Бизнес марказида, Ўзбекистон Миллий Паралимпия Ассоциацияси, Ўзбекистон Республикаси Маданият ва спорт ишлари вазирлиги, Ўзбекистон Миллий Олимпия Қўмитаси билан ҳамкорликда, Стол тенниси бўйича “Паралимпия Кубоги” спорт байрами бўлиб ўтди.
Спорт байрамини журналист Ҳусан Жўраев ва актриса Нигора Каримбоева олиб боришди.
Спорт байрамида санъаткорлар, шоу бизнес вакиллари ҳам иштирок этишди. Улар спортчиларни ўзларининг куй-қўшиқлари билан хушнуд этиб, шунингдек, улар билан бирга стол тенниси бўйича мусобақалашдилар ҳам.
Байрам бошланишида Ўзбекистон Халқ артистлари Гулсанам Мамазоитова,
Маҳмуд Намозовлар спортчиларни байрам билан табрикладилар.
Сўнг, сўз устаси ва актёр Валижон Шамсиев,
ҳамда “Виа Шарқ” гуруҳидагилар ва бошқалар ҳам стол тенниси баҳсида иштирок этишди.
Тадбир давомида иштирокчиларга Ассоциация томонидан ширинликлар тақдим этилди.
Тадбирда яна қайси санъаткорлар ва шоу бизнес вакиллари иштирок этганликлари ҳамда,
Тадбир якуни ва стол тенниси бўйича иштирокчилардан кимлар ғолиб бўлганлиги,
яқин соатларда БАТАФСИЛ!
Феруза Фаттохова
Фотолар учун фотограф Муҳаммадалига миннатдорчилик билдирамиз
