FATTOHHON.COM
« Все новости 
Пазанда Ойхондан янги таом!
Керакли маҳсулотлар:
Товуқ шўрваси 2.2 л
Картошка 5 дона
Пиёз 1 дона
Сабзи 1 дона
Кўкат (Ойхон таъбга кўра укропни танлади)
Ўсимлик ёғи
Туз
Мурч
Нон (гренка ун)
Пишлоқ (плавленый сыр) 200 гр (бошқача пишлоқни эриши қийин)
Тайёрланиши:
Аввало товуқ шўрвасини тайёрлаймиз. (Фақат бульон керак!)
Картошкани майдароқ қилиб тўғраймиз ва бульонга соламиз.
Оловни баланд қилиб, қайнаб чиққач минимум пасайтирамиз.
Пиёз майда кубик қилиб тўғралади. Сабзи эса қирғичдан чиқарилади.
Товага ўсимлик ёғини қуйиб, пиёз ва сабзи қовуриб олинади.
Пишлоқ ҳам кубик шаклида ўртача катталикда тўғралади.
Картошка тайёр бўлгач, қовурмани ва пишлоқни солиб, оловни баландлатиш керак. Пишлоқ эригунча, аралаштиришда давом этилади.
Сўнг, оловни паст қилиб, кўкат қўшилади. Таъбга кўра, туз ва мурч солиб, аралаштирилади.
Қозонни оловдан олиб, тайёр бўлган таом қулай идишга солиниб, блендерда бир хил масса ҳосил бўлгунча аралаштирилади. Тайёр бўлган крем массадан қумоқлар бўлмаслиги керак.
Нонни ўзингиз ҳоҳлаган катталикда, исталган шаклда кесиб, ёғ солинган товада қизаргунча қовурилади. Сўнг, зираворлар сепиб, совутишга олиб қўйилади.
Крем-суп чиройли идишга сузилиб, кўкат ва гренка билан безатилиб, дастурхонга тортилади.
Ёқимли иштаҳа!
Яна Пазанда “Ойхоннинг ошхонаси”сида кўришгунча!