FATTOHHON.COM
« Все новости
Ўзбекистон Халқ артисти Гулсанам Мамазоитованинг “Ўзбек деган ном” қўшиғи Ватан ҳақидаги энг яхши қўшиқлардан биридир.
Ўзбекистон Халқ шоири Муҳаммад Юсуф сўзи билан куйланган бу тарона, аллақачон тингловчилар, мухлислар қалбидан жой олиб улгурган.
Бир тўкилиб, тағин қомат тикладик,
Елкаларга миллат юкин юкладик,
Озод вужудларда руҳ бўлди бино,
Бинолар ўрнида давлат тикладик!
Қай кун тилдан учди, қадрдон калом,
Дунёларни қучди, ўзбек деган ном!
Бошин не тошларга урди бу диёр,
Неча вайрон бўлди, қурди бу диёр.
Тожмаҳал меъмори, Нилнинг мироби,
Имом Бухорийлар юрти бу диёр.
Бизни йўқлаганга биздан ҳам салом,
Дунёларни қучди ўзбек деган ном!
Ўзбек деган ном, ўзбек деган ном,
Дунёларни қучди ўзбек деган ном!
Ватан, айланайин тупроқларингдан,
Боғда гул, тоғдаги гиёҳларингдан.
Боқсанг нур ёғилар нигоҳларингдан,
Айро тушмай асло қучоқларингдан.
Асқотди сен ўзинг қурган зуволам,
Дунёларни қучди ўзбек деган ном!
Боланг аҳволидан огоҳ бўл ўзинг,
Асра, асраганга паноҳ бўл ўзинг.
Ёруғ манзилларга етакла мени,
Ёлғиз йўлдошим бўл, ҳамроҳ бўлўзинг.
Сенингсиз мукаммал эмас бу олам,
Дунёларни қучди ўзбек деган ном!
ҚЎШИҚНИ ТИНГЛАШ ВА КЎЧИРИБ ОЛИШ УЧУН!
1) ГУЛСАНАМ МАМАЗОИТОВА_ “ЎЗБЕК ДЕГАН НОМ” МР3!
2) ГУЛСАНАМ МАМАЗОИТОВА_ “ЎЗБЕК ДЕГАН НОМ” МР3!