FATTOHHON.COM
« Все новости 
2 сентябрь куни юртимизда ҳамма ўқувчилар мактабга йўл олишди! Улар орасида, илк бор биринчи синфга қадам қўйганлар жуда кўп! Биз ҳам, шу куни болаликка қайтиб, мактабга йўл олдик!
Шу куни шоу бизнеснинг таниқли вакилларидан кўплари, ўз фарзандларини илк бор мактабга кузатишди!
Улардан хонанда, актёр ва режиссёр Жаҳонгир Позилжонов ва унинг рафиқаси Дилдорахон бу ишга алоҳида ёндошиб, катта қизи, “Асал” гуруҳи иштирокчиси, турли концертлардаги рақслари, ҳамда “Қизалоқ” фильмидаги роли билан кўпчиликни эътиборини тортган Райҳонни мактабга оилавий бўлиб олиб келишди!
Мактабда 2 сентябрь куни деярли байрамга айланиб кетди! Барча юқори кайфиятда эди!
Жаҳонгир Позилжонов ва Дилдорахон ҳам, ҳаяжонда, ахир биринчи фарзанди, катта бўлиб, 1 синфга боряпти!
Райҳоннинг шўх укаларини эса, тўполонлари ҳам ўз жойида)))))
"Менинг биринчи ўқитувчим!"
Жаҳонгир Позилжонов қизи Райҳоннинг суратини қўл телефонига олиб, инстаграмга жойлашни ҳам унутмади!
Биз ҳам селфини эсдан чиқармадик!)))))
Райҳон энг яқин ўртоғи Жасмина билан суратларга тушишди!
Шу куни “Паризода” рақс гуруҳининг маҳоратли раққосаси Розияхонни ҳам тасодифан мактабда учратдик.
Розияхоннинг ўғли Ҳумоюн ҳам, шу куни 1 синфга чиқибди! Албатта, қувончлар чексиз!
Шунингдек, актриса Муборак Ашурбоевани ҳам фарзанди билан шу ерда учратдик.
Ҳамма ўқувчилар иштирокидаги йиғилишда биринчи қўнғироқ ҳам чалинди!
Ҳамма ўқувчилар синф хоналарига йўл олишди!
Йўқламадан сўнг, биринчи дарс Мустақиллик дарси бўлди!
Барча ўқувчиларнинг қувончлари чексиз! Ахир улар энди мактаб ўқувчилари!
Оналар ҳаяжонда! Ҳаттоки, улардан айримлари болаларини синфда қандай ўтирганликларини кўриш учун, болаларидан хавотир олгандек синф деразасидан ичкарига қараб, ўзига хос “репортаж” ҳам қилиб олишди!))))))
Масъулиятли оналар, болаларини биринчи кун дарслари тугагунча, мактабда кутиб ўтиришга қарор қилишди!
Хуллас, 1 сентябрь, нафақат болалар, балки ота-оналар учун ҳам таассуротларга бой бўлди!
Шунингдек, бу куни яна шоу бизнес оламидан хонанда Абдували Ражабовнинг ўғли, ҳамда Ўзбекистонда хизмат кўрсатган артист Юлдуз Турдиеванинг ҳам ўғли мактабга чиқишди.
Барча ўқувчиларга ва уларнинг ота-оналарига омад ёр бўлсин!
Мактаб остонасига қадам қўйган бу ёш ниҳоллар, келажакда яхши билим олиб, Ватанимизга муносиб инсонлар бўлиб етишишларига тилакдошмиз!
Cаида Вахобова
Феруза Фаттохова
Фотолар учун Мирсаид Зоҳидовга миннатдорчилик билдирамиз
