FATTOHHON.COM
« Все новости 
“Ойхоннинг ошхонаси”дан бу гал жуда мазали ширинлик тайёрлашни ўрганишингиз мумкин!
Нима учун бу ширинликни “Рогалетта” дейилишининг сабаби ҳақида Ойхон: - Қашкадарёлик бир меҳмонимиз шева туфайли “рогалик” дея олмай, “рогалетта қилопсизми?” деган. Шу-шу, биз ҳам оилавий “Рогалетта” деймиз!
Керакли маҳсулотлар:
Тухум 1 та
Хамир ун:
200 гр маргарин
400 гр ун
Бир чой қошиқ туз
Икки ош қошиқ шакар
Озроқ совуқ сув
Начинкасига:
(Таъбга кўра начинкани ўзгартиришингиз мумкин.
Ойхон: - Мен макни танладим!)
Шакар
Мак 4 пачка
Қиём учун:
1 пиёла шакар
1 чашка сув
Тайёрланиши:
Унни элакдан ўтказинг.
Маргаринни қирғичдан чиқазинг, сўнг қўлингиз билан бир-бирига ишқаланг.
Шакар ва туз қўшинг.
Оз-оздан совуқ сув солиб, юмшоқ хамир қоринг ва
30дақиқага холодильникка олиб қўйинг.
Тайёр хамирни 4 та зувалага бўлинг.
Ун сепиб зувалани ёйинг.
Шакар ва мак сепиб, 12 га бўлинг.
Ҳар бир бўлакчани четдан ўртага думалатинг.
“Рогалетта”ларни листга териб чиқинг ҳамда тухум сариғи суртиб,
150 градусда қиздирилган духовкага 40-50 дақиқага солиб қўйинг.
“Рогалетта”лар қизара бошлаганда, тоғарага шакар ва сув солиб қиём тайёрланг.
Тайёр рогаликларни қиёмда яхшилаб “чўмилтириб”, дасурхонга тортинг.
ЁҚИМЛИ ИШТАҲА!
КЕЛГУСИ САФАР ЯНА ПАЗАНДА “ОЙХОННИНГ ОШХОНАСИ”ДА КЎРИШГУНЧА!