FATTOHHON.COM
« Все новости
DJPiligrimнинг «Кечаю кундуз» қўшиғига Кипрда Европанинг “Raybox” студиясида видеоклип суратга олдирганлиги ҳақида сайтимизда маълумот берган эдик. МАЪЛУМОТГА ЎТИШ!
Эндиликда мазкур клип тайёр бўлди! Хонанда бу клип тақдимотини кинотеатрда ўтказишни режалаштирганди ва клип тақдимоти пойтахтимиздаги “Самарқанд дарвоза” кўнгилочар савдо мажмуасининг 4 – қаватида жойлашган “Royal Cinema” кинотеатрида бўлиб ўтди.
Унда ОАВ вакиллари, хонанданинг дўстлари ва фан клуби иштирок этишди. Шоу бизнес вакилларидан хонанда Лола, администратори Лола билан, актриса Асал Шодиева, хонанда ва актёр Шохруххон шу ерда бўлишди!
Клип тақдимотидан аввал DJ Piligrim билан баннер ёнида фотосессия бўлиб ўтди.
Сўнг, залда DJ Piligrim клип ҳақида ўз фикрларини билдириб, барчага келганликлари учун миннатдорчилик билдирди.
Шундан сўнг, унинг фан клуби аъзоларидан бири, хонандага унинг исми ёзилган катта гулдастани тақдим этди.
Сўнг, DJ Piligrim залдаги барча дўстлари, яқинлари, ОАВ вакиллари ҳамда фан клуби билан бирга умумий суратга тушиб, бу суратни ижтимоий тармоқларга жойлади!
“Кечаю кундуз” клипининг ўзбек ва рус тилларидаги версиялари катта экранда намойиш этилди!
Клип намойиши олдидан ва кейин хонандага ОАВ вакиллари ўзларини қизиқтирган саволлар билан мурожаат қилишди.
DJ Piligrim: - Хорижда суратга олинган бошқа клиплар ҳам бор. Аммо, бу клип ўзбек тилидаги қўшиққа хорижда суратга олинган айнан вестерн услубидаги, ковбойча биринчи клип бўлди! Шуни ҳам айтиб ўтишим керакки, бу видеода мен роль ижро этмадим! Бу видеони суратга олган ижодий гуруҳ менга ўзлари синопсис юборишди, ҳаммасини ўзлари суратга олишди! Мен эса, 4 кун давомида суратга олиш майдончасида бўлдим, лекин тўғриси, суратга олиш жараёнларига аралашмадим ва ортиқча сўз айтмадим. Аввалги клипларимда, одатда ҳамма жараёнларда иштирок этардим. Бу ерда эса, 2 марта, ярим соатдан суратга тушишда қатнашдим ва кейин менга тайёр бўлган клипни юборишди! Мен эса, ҳеч нарсани ўзгартирмадим! Бир тарафдан бундай куч сарфламай ишлаш, менга маъқул бўлди! Клип кичик фильмдек чиқди! Клипда Европаликлар Николь ва Макс суратга тушишган. Ўзим клипда роль ижро қилишни ҳоҳламадим. Мен фақат қўшиқ куйладим. Агар клипда ўзим роль ижро қилганимда, суратга олиш майдонида кўпроқ вақт ўтказишимга тўғри келарди. Буни ўзим истамадим.
DJ Piligrim тақдимот давомида, мазкур клипнинг ўзбек ва рус тилларидаги версияси ҳамда, қўшиқнинг мр3 вариантлари ёзилган дискларни иштирокчиларга совға қилди.
- Клип ғояси кимга тегишли? Клип режиссёри?
DJ Piligrim: - Клип ғояси Евгениус Зосига тегишли ва унинг ўзи клип режиссёри ҳамдир. Қўшиқнинг ўзбекча версияси 3 ой давомида ёзилган. Рус тилидаги версиясига эса, 15 дақиқа вақт кетган. Одатда қўшиқ ёзилганда, ҳар сафар ҳар хил кечади. Баъзида сўзи олдин келади, баъзида эса мусиқаси. Лекин, бу қўшиқда сўзи ва мусиқаси ҳам баравар ёзилди.
- Кейинчалик улар билан яна ҳамкорликни давом эттирасизми?
DJ Piligrim: - Албатта, агар қўшиқ оммалашиб, тингловчилар қалбидан жой олса, ҳамда давом эттириш фикрига келсак, албатта давом эттирамиз. Масалан, қизнинг отаси уларнинг ортидан қувиши, қочиш, уларни тутиб олиши, шу тарзда давом эттириш мумкин. Муҳими, бошлаб олиш!
- Концерт бериш ниятингиз ҳам борми?
DJ Piligrim: - Мен ўзим мустақил концерт бермоқчи эмасман, лекин агар бирор продюсерлик марказидан таклиф бўлиб, “концертингни ўтказамиз” дейишса, “бажонидил” дейман! Лекин, ўзимни ташаббус кўрсатиш ниятим йўқ!
Саида Вахобова
Феруза Фаттохова
Фотолар учун фотограф Сардор Азимовга миннатдорчилик билдирамиз
Қўшиқнинг ўзбек тилидаги вариантини тинглаш ва кўчириб олиш учун!
1) DJ PILIGRIM_ «КЕЧАЮ КУНДУЗ»_МР3
2) DJ PILIGRIM_ «КЕЧАЮ КУНДУЗ»_МР3
Қўшиқнинг рус тилидаги вариантини тинглаш ва кўчириб олиш учун!
1) DJ PILIGRIM_ «КЕЧАЮ КУНДУЗ»_МР3
2) DJ PILIGRIM_ «КЕЧАЮ КУНДУЗ»_МР3
КЛИПНИ КЎРИШ УЧУН!
