FATTOHHON.COM
« Все новости 
28 сентябрь куни Миллий либослар галериясида Шайхонтоҳур тумани “Баркамол авлод” болалар маркази томонидан “Туморча” болалар ижодиёти фестивали бўлиб ўтди!
Мазкур фестивалда 6 ёшдан 16 ёшгача бўлган “Баркамол авлод” болалар маркази тўгарак аъзолари иштирок этдилар.
Ҳар бир иштирокчи ўз йўналиши бўйича 10 тадан иш топшириб, улар қуйидаги йўналишлар бўича иштирок этдилар:
Эскиз, Эскизлар танлови, Технологик талаблар, ҳамда Якуний.
Мазкур фестивалда ёш дизайнерлар ўз тўпламларини намойиш этдилар.
Жумладан: Нигина Эрматова “Мумтоз” коллекцияси билан, Муниса Турғунова “Беқасам жилолари” коллекцияси билан, Робия Суннатуллаева “Fashion by Robia” коллекцияси билан, Моҳинабону Қодиржонова “Попоп” коллекцияси билан, Элбек Ҳабибуллаев “Кичик денгизчи” коллекцияси билан, ҳамда Мадина Илҳомова ўз либослар коллекциялари билан иштирок этишди.
Тадбирда “Асал” рақс гуруҳи, “Доира” фольклор гуруҳлари ўз чиқишлари билан қатнашишди.
Тадбир якунида ёш дизайнерлар ва иштирокчи моделлар, рақс гуруҳи аъзоларига махсус сертификатлар ва эсдалик совғалар тақдим этилди.
“Баркамол авлод” болалар марказининг вазифалари, ўсиб келаётган ёш авлодни билим ва кўникмаларга мукаммал эга бўлишлари учун, уларга меҳнатсеварликни, касб тайёргарлигининг дастлабки ўқув ва кўникмаларини сингдириш, фан ва техникани ривожлантиришнинг истиқболли йўналишларига йўналтириш, болаларнинг эҳтиёжлари ва қизиқишларига мувофиқ уларнинг ижодий бадиий қобилиятларини ривожлантириш ҳамда, Дизайн ва халқ амалий санъатининг самарадорлигини ошириш, мазкур йўналишларини тўгарак аъзолари ва ёшлар ўртасида оммавийлаштириш, Дизайн ва халқ амалий санъат йўналишидаги тўгарак раҳбарларининг ўзаро тажриба алмашишларини ташкил этиш, Мактабдан ташқари, таълим муссасаларининг мавқейини ошириш, ҳамда иқтидорли ва истеъдодли болаларни қўллашдан иборат.
