FATTOHHON.COM
« Все новости 
Пазанда Ойхон бу гал бир таомдан қандай қилиб, 2 та таом қилиш мумкинлигини тушунтириб беради. Яъни, Оддий “Щи” ва ундан тайёрланган кўкатли “Крем суп”.
Керакли маҳсулотлар:
Гўшт
Картошка - 3дона
Пиёз- 2 дона
Сабзи- 1дона
Шавиль- 2бог
Тухум -4дона
Сметана
“Крем суп” учун:
Кўкатлар
Ун
Тайёрланиш жараёни:
Барча масаллиқларни тозалаб, ювиб оласиз. Пиёзни майдалаб тўғранг, картошкани каттароқ кубик қилиб, сабзини қирғичдан ўтказинг. Шавилни яхшилаб ювиб, пастки қисмини майдалаб, баргли қисмини эса, бир оз йирикроқ қилиб тўғранг!
Қозонни қизитиб ёғ қуясиз ва кетма-кетликда пиёз, сабзи, картошкани қовурасиз.
Шавилни солиб, юмшагунча аралаштириб туринг.
Туз, мурч қўшинг ва сув қуйиб оловни баландлатинг. Қайнаб чиққандан сўнг олов пасайтирилади. Картошка пишгунча қозон қопқогини ёпиб қўйсангиз бўлади.
Картошка пишгандан сўнг, туз намагини текшириб олинг. Овқатингизни нордонлигидан чўчиманг. Чунки, Шавиль нордон кўкат.
Тухумларни косага чақиб яхшилаб вилка билан аралаштиринг.
Сўнг, овқатга кўшинг ва то тухум оқармагунча аралаштириб туринг.
Яна бир-неча дақиқага қозоннинг қопқоғини ёпиб қўямиз.
Шавилдан тайёрланган шўрва тайёр! Таомни косага қуйиб, сметана билан дастурхонга тортамиз.
Вариант №2
Агар Сизга оригиналроқ таом ёқса: ҳоҳлаган кўкатларингизни олиб (мен укроп, сельдерей ва кинзани танладим) майдалаб тўғранг.
Идишга кўкатлар ва “Щи”ни қуйиб блендердан ўтказинг.
Сметана билан ҳоҳлаганча безатишингиз мумкин.
Бу кремсуп жудаям фойдали!!! Кўкатлар кремсупга ранг бериш билан бир қаторда янада витаминга бойитиб таъмини ҳам ўзгартириб юборади!
Яна Пазанда “Ойхоннинг ошхонаси”да кўришгунча!
