FATTOHHON.COM
« Все новости
19 июнь куни Гулистон шаҳрининг “Алпомиш” спорт мажмуасида, “Биз буюк юрт фарзандларимиз” шиори остида ўтказилаётган Ёшлар фестивалининг финал гала-концерти бўлиб ўтди.
Мазкур фестивални ўтказишдан мақсад – юртимизда ёшларга яратилаётган имкониятларни тарғиб қилиш, ёшлар орасида ватанпарварлик, фидоийлик каби хислатларни янада кучайтиришдан иборат бўлиб, фестиваль ёшлар орасида соғлом турмуш тарзини тарғиб қилиши билан ўзига хос аҳамиятга эга.
Фестивалга санъаткорларни жалб этиш ва қўллаб-қувватлашга “Ўзбекнаво” эстрада бирлашмаси чуқур масъулият билан ёндошди ва санъаткорлар билан таъминлади.
Фестивалда "Ўзбекнаво" эстрада бирлашмасидан Ўзбекистонда хизмат кўрсатган артист Собиржон Мўминов, “Ниҳол” мукофоти совриндори Шахноза Отабоева, хонандалар Азиза Ниёзметова, Ойпопук Эшонхонова, Жасур Умиров, Бахтиёр Раҳмонов, Толибжон Исроилов, Бахром Назаров, Қиличбек Мадалиев, Умид Шахобов, Рўзимуҳаммад Мўминов, Ҳусан Тожимирзаев, Муҳаммадумар Исоқов, “Самрас" гуруҳи, шунингдек, “Comedy.uz” жамоаси иштирок этдилар.
