FATTOHHON.COM
« Все новости 
Ўзбекистон ва Қорақалпоғистон Халқ артисти Озодбек Назарбековнинг Россия Федерацияси бўйлаб, ижодий сафари давом этмоқда!
21 июнь куни санъаткорнинг Красноярскда концерти бўлиб ўтди!
у концерт ҳеч шубҳасиз у ердаги юртдошларимизга ҳам, бошқа томошабинларга ҳам муносиб совға бўлди!
Томошабинларнинг қувончлари чексиз, санъаткор билан бирга куйлаб, рақсга ҳам тушишди!
Миннатдорчиликларининг чеки йўқ эди...
Ҳаттоки, ёш болаларгача санъаткорнинг мухлиси!
Концерт ҳар сафаргидек тўлиқ жонли ижрода ўтди!
Жонли ижро учун, албатта жонли мусиқа ҳам зарурлиги шубҳасиз. Россия Федерацияси бўйлаб концерт давомида, жонли ижро куйчисига созандалар ҳам ҳамроҳлик қилмоқдалар!
Булар, Шамсиддин Холмуродов-мусиқа раҳбари, клавиш;
Муроджон Усмонов-скрипка;
Дилшод Раҳматбоев-электр барабан;
Дониёр Юнусов-най;
Зафар Юлдашев-доира, довул, табла;
Баҳром Бобомуродов-басс гитара;
Қудратжон Ҳакимов-соз;
Юрт соғинчида яшаётган инсонлар инсонлар қалбларига малҳам бўлаётган концертлар давом этади!
Хабар қилишларича, Озодбек Назарбековнинг концертида ўзининг қизиқарли ҳазил чиқишлари билан, фаол иштирок этаётган Шукурилло Исроилов “кўз тегиб” қолганлиги муносабати билан, Калугадан Тошкентга кетишига тўғри келган. Эндиликда, Россиядаги қолган концертлар Шукурилло Исроиловсиз ўтади.
Шу сабаб билан, Красноярскдаги концерт ҳам Шукурилло Исроиловсиз ўтган ва бунинг учун Озодбек Назарбеков ҳаттоки мухлислардан узр ҳам сўраб, “Ўзим сизларга икки-уч латифа айтиб берайми?” деган таклифига, мухлислар “қўшиқ эшитамиз!” деб жавоб беришган. Шунда санъаткор “унда мухлислар билан биргаликда қўшиқ куйлайман” деб, бир нечта қўшиқ айтишни биладиган мухлисларни саҳнага таклиф қилиб, “ким чиройли қўшиқ айтиш” танловини уюштирган. Энг чиройли қўшиқ айтган 3 та мухлисга ўзининг дасхати туширилган дискларини тақдим қилган.
Эндиликда, маълум бўлишича Озодбек Назарбековнинг Россиядаги концертларида сўз устаси ва актёр Ботирхон Имомхўжаев бошловчилик қилади.
Он-лайн репортажни амалга оширишдаги ёрдам учун журналист Дилбаҳор Худойбердиевага ва
Фотолар учун овоз режиссёри Эркинжон Файзиевга алоҳида миннатдорчилик билдирамиз
