FATTOHHON.COM
« Все новости 
Comedy Uz резидентлари 2 йиллик танаффусдан сўнг, пойтахтимиздаги ресторанлардан бирида ўз концерт дастурини тақдим этишди!
Бу концертда Ўзбекистонда хизмат кўрсатган артистлар Равшан Комилов, Сардор Раҳимхон, “Замин” студияси раҳбари, таниқли режиссёр Саъдулла Абдуллаев, Ўзбекистонда хизмат кўрсатган артист Саида Раметова, актёр Дониёр Ҳафизов, “Шахризода” гуруҳи ва бошқалар томошабин меҳмон бўлишди.
Концертда Comedy Uz резидентларидан “Ҳасан Ва Ҳусан” триоси, “Қошмақом” дуэти, “Нобель” жуфтлиги, Ислом Али, Расул 24, Олим ака, Миршакар Файзуллаев ва бошқалар иштирок этишди.
Концерт Comedy Uz резидентлари анча тайёргарлик кўрганликлари сезилди. Турли ҳаётий муаммо ва ҳолатларни ҳазил саҳна кўринишлари томошабинларни бефарқ қолдирмади!
Биргина “Топиб олинган костюм кимники?” саҳна кўринишида, кўплаб шоу бизнес вакиллари характерлари ҳазил орқали кўрсатиб берилди.
Турли бинолардаги деярли ҳар куни кўзимиз тушадиган “ёзувлар” ҳақида Ислом Али алоҳида “тушунтиришлар” бериб ўтди.
Олим ака ижросида “муаммолар” қўшиққа айланди!
Расул 24 ўз “ёри” билан ҳозирги айрим масъулиятсиз йигитларни ҳажв остига олган бўлса,
Миршакар Файзуллаев хиёбон ва тўйлардаги ҳолатларни жиддий ҳазиллар билан томошабинларга етказиб берди!
Янги Comedy Uz резиденти, резидентлар айтгандек, кўзбойлоғич “Абдуллажон” ўзининг ажойиб фокуслари билан томошабинларни ҳайрон қолдирди!
Бу фокусларда Ўзбекистонда хизмат кўрсатган артист Равшан Комилов,
ҳамда Fattohhon.com сайти раҳбари Феруза Фаттохова ҳам иштирок этишди! Эгилиб қолган шиша бокал ва ҳеч қандай мосламасиз ҳавога кўтарилган кичик стол томошабинлар ҳайратига сабаб бўлди!
“Сабр”, “Виждон”, “Пул” ва “Тинчлик” иштирокидаги саҳна кўриниши эса, ҳозирги кунда “Тинчлик” бўлмаса, “Пул” ҳам, бошқа нарсалар ҳам ҳеч нарса қила олмаслигини, бугунги бахтли ҳаёт, улар ўтказаётган концерт ҳам фақат “Тинчлик” туфайли эканлигини исботлаб берди!
Концерт дастурида Comedy Uz резидентлари 2 йиллик танаффус сабабини ҳам саҳнада кўрсатиб беришди, ҳамда бундан сўнг, ижодда ҳозирча бошқа “танаффус” бўлмаслигини билдиришди!
Демак, эндиликда Comedy Uz резидентларини яна янги концерт ва ҳазиллар билан кутиб қоламиз!
Саида Вахобова
Феруза Фаттохова
Концертдан қисқа видеолар Инстаграм да Saida_Vahobova_Fattohhoncom профилида!