FATTOHHON.COM
« Все новости 
Хонанда Улуғбек Раҳматуллаев ўзининг Россиядаги мухлислари учун ажойиб туҳфа ҳозирлади.
Яъни, эндиликда хонанда 5 июль куни Россиянинг Владивосток шаҳрида,
6 июлда эса, Хабаровскда “Прости меня” концерт дастури билан меҳмон бўлади! Хонанданинг энг хит ва севимли қўшиқлари янграйдиган бу концерт унинг Россиялик мухлислари учун унутилмас совға бўлиши аниқ!
Улуғбек Раҳматуллаев: - Бундан аввал ҳам Новосибрскда яккахон концерт берган эдим. Бу гал мени иккинчи марта Россияга чиқишим бўлмоқда. Россияда ҳам мухлисларим кўплигини, қолаверса, рус тилидаги қўшиқларимнинг мухлислар томонидан интернет орқали кўплаб кўрилганлиги, ҳамда кўплаб таклифларга биноан уюштирилган концерт бўлганлиги учун кетяпмиз. Ҳозирда бориб 2 та концерт ўтказиб келингач, кейин сони бўйича кўпроқ концерт дастурлари ҳам ўтказиш ниятимиз бор. Бу концертларда янги ташкилотчилар билан бирга ишламоқдамиз. Ўйлайманки, бу концертларимиз муваффақиятли чиқса, концертларимизни Россия ва бошқа давлатларга кўпроқ бўлиши амалга ошади. Бу концертлардан мақсад, ўзбек санъатини юксаклигини, ривожини, санъатимиз ва юртимиз ҳақидаги катта таассуротларни дунёга таратишда, ўзимизнинг камтарона ҳиссамизни қўшишдан иборат.
-Ижтимоий тармоқлар орқали, “концертлардан бири нима учун циркда ўтказилади?”, деган саволлар берилмоқда...
Улуғбек Раҳматуллаев:-Балки, у ерга томошабинларни кўпроқ жойлашиши, кўпроқ томошабинларни қабул қилиш имконияти борлиги учун ҳам, шу тарафлари қулайроқ бўлганлиги учунми, концерт ташкилотчилари шу ерда ташкиллаштираётгандирлар... Бу ташкилотчилар билан илк маротаба бирга ишлаётганлигим учун ҳам, ҳар битта нарсага “нега бундай?” деб савол бермадим. Имкони борича, концертларни завқли ўтказишга, мухлисларнинг кўнглини қувонтиришга ҳаракат қиламиз! У ерлик мухлислар қўшиқларимнинг кўпларини интернет орқали тинглашган бўлса ҳам, улар учун янгидек янграйди, деб ўйлайман.
-Ҳозирги кунда концертдан ташқари, нималар билан бандсиз?
Улуғбек Раҳматуллаев:-Ҳозирда “I love you” қўшиғимни инглиз тилида премьера қилиб, радиоларда тингловчиларга тақдим қилдим. Яна бир катта янгилигим, шу бир ҳафта ичида кутилмоқда. Бу “Кабутарлар” қўшиғимга суратга олинган видеоклип! Бу клип менинг ижодимда бошқа клипларимга ўхшамаган, бошқача ёндошилган клип бўлди! Бу клипни кўриб, инсон 1985-90 йиллар ҳақидаги тасаввурга эга бўлади! Ўша даврдаги кўчалар, либосларгача алоҳида аҳамият берганмиз! Мухлисларимга маъқул бўлади, деб ўйлайман! Яна бир мухлислар учун кутилаётган янгилик, Россиядаги концертлардан сўнг, қайтгач, Ўзбекистон бўйлаб, юртимиз вилоятларига ҳам концерт дастурлари уюштирамиз!
Саида Вахобова