FATTOHHON.COM
« Все новости
“PROlogue” – ёш киноижодкорлар томонидан суратга олинган қисқа метражли фильмлар Республика фестивалининг “Grand Master Class” номли асосий маҳорат дарслари 10 ноябрь кунидан Киночлар уйининг Мовий залида бошланди.
Унда фестиваль саралаш босқичидан ўтган фильмларнинг ёш ижодкорлари – режиссёрлар, сценарий муаллифари ва операторлар қатнашишмоқда. Маҳорат сабоқларини таниқли режиссёрлар Ёлқин Тўйчиев ва Аюб Шаҳобиддинов, оператор Рифкат Ибрагимов, киношунослар Элмира Ҳасанова ва Нигора Каримова олиб боришмоқда.
“Grand Master Class” номли асосий маҳорат дарсларидан ёш ижодкорлар ўзларига керакли режиссёрлик, операторлик ва сценарий ёзишда зарур бўладиган маълумотлар ва сабоқларни олишади. Шу билан бирга, махорат дарсларида ёш ижодкорларнинг саралашдан ўтган фильмлари таҳлил қилинмоқда.