FATTOHHON.COM
« Все новостиPROlogue” – ёш киноижодкорлар томонидан суратга олинган қисқа метражли фильмлар Республика фестивали олдидан, “Ўзбеккино” Миллий агентлигида Фестивалнинг расман очилиши юзасидан йиғилиш бўлиб ўтди!
Унда «Ўзбеккино» Миллий агентлиги бош директори Аҳмаджон Умаров,
Лицензиялаш, аудиовизуал маҳсулотларни эксперт баҳолаш ва халқаро алоқаларни ривожлантириш бўлими бошлиғи Рустам Шарипов,
Кино-видео ташкилотлар фаолиятини мувофиқлаштириш, реклама-ахборот ва маънавий тадбирлар бўлими бошлиғи Музаффар Акрамов, Ташкилотчилар, ОАВ вакиллари, киноижодкорлар ва Фестиваль қатнашчилари иштирок этдилар.
Йиғилишда, PROlogue” – ёш киноижодкорлар томонидан суратга олинган қисқа метражли фильмлар Республика фестивали илк марта ўтказилаётганлиги, ҳозирда фестиваль доирасида ўтказилаётган маҳорат дарслари,
ёш иштирокчилардаги ижодга бўлган чанқоқлик ва интилиш, фестиваль борасидаги ижодий таклифлар, фестиваль давомида намойиш этиладиган фильмлар қайси жиҳатларига кўра танланганлиги,
фестивалдаги фильмлар ёшларнинг кинодаги ўзига хос йўналишларини намоён қиладиган фильмлар эканлиги, фестивалда ёш ижодкорлар билан бир қаторда тажрибали кино режиссёрлар ҳам иштирок этишлари мумкинлиги, бу фестиваль уларга навбатдаги тажриба босқичи бўлса,
ёш киноижодкорларга ўз асарларини кенг жамоатчиликка намойиш этиш ва ўз-ўзидан «катта кино»га ишонч билан кириб бориш учун имконият бўлиши мумкинлиги ҳақида, фикрлар билдирилди.
Шундан сўнг, режиссёр Мансур Абдуҳолиқов томонидан суратга олинган “Робия” қисқа метражли фильми намойиш этилди. Мазкур фильмнинг мазмуни, ҳозирги кунда ҳам ўз ғоя жиҳатидан ўз аҳамиятини йўқотмаганлиги алоҳида эътироф этилди.
Ҳозирда “Ёшлар ижод” саройида “Ёшлар ҳафталиги”, ҳамда унинг доирасида ўтказиладиган PROlogue” – ёш киноижодкорлар томонидан суратга олинган қисқа метражли фильмлар Республика фестивалига тайёргарликнинг сўнгги жараёнлари кечмоқда!
Саида Вахобова
Феруза Фаттохова
