FATTOHHON.COM
« Все новости“Ўзбекистон Республикасида 2015 йилда Ёшларга оид давлат сиёсатини амалга оширишга қаратилган қўшимча чора-тадбирлар Дастури”га мувофиқ жорий йилнинг 16 ноябрь куни Тошкент шаҳрида “Эртанги кун бизники, марра бизники” шиори остида “Ёшлар ҳафталиги” бошланди!
21 ноябрга қадар бўлиб ўтиши кўзда тутилган мазкур ҳафталик “Камолот” ЁИҲ, Олий ва ўрта махсус таълим вазирлиги, Маданият ва спорт ишлари вазирлиги, Ўзбекистон Бадиий Академияси, “Ўзбеккино” Миллий агентлиги, Ўзбекистон Республикаси Президентининг “Истеъдод” жамғармаси томонидан ташкил этилган бўлиб, ҳафталик доирасидаги тадбирларда Олий ўқув юртларида таҳсил олаётган иқтидорли талабалар, Давлат мукофоти, номдор стипендиялар соҳиблари, фаол ёшлар, ҳамда санъат, маданият, кино ва мода соҳаси вакиллари, таниқли илм-фан арбоблари, миллий ва хорижий экспертлар, ОАВ вакиллари иштирок этмоқдалар.
“ЁШЛАР ҲАФТАЛИГИ” бир неча йўналишдаги тадбирларни ўз ичига олган бўлиб, 16 ноябрь куни Брифинг билан бошланди, ҳамда унда ташкилотчилар ҳафталик фаолияти ҳақида маълумот беришди.
Брифингда “Камолот” ЁИҲ Марказий Кенгаши Раиси Б.Ғаниев, “Ўзбеккино” Миллий агентлиги Раҳбари А.Умаров ва бошқа ташкилотчилар иштирок этишди. Ташкилотчилар ҳафталик юзасидан ёшларни, иштирокчиларни қизиқтирган барча саволларга жавоб беришди. Шундан сўнг, «PROlogue» фестивали, Миллий ва замонавий либослар дефилеси, кўргазмалар ва маҳорат дарсларини ўз ичига олган “Ёшлар ҳафталиги” ўз фаолиятини бошлади! Ҳафталикнинг ил кунида Брифингдан сўнг, “Мода ва дизайн” фестивалининг очилиш маросими, Республика Рассомлик коллежи ёшларининг коллекцияларини ўз ичига олган модалар намойиши бўлиб ўтди! Ундаги турли миллатлар либосларини ўз ичига олган коллекциялар томошабинлар олқишига сазовор бўлди! Шундан сўнг, куннинг иккинчи ярмида, Киноматография соҳасида ёш истеъдодларни излаб топиш, уларни қўллаб-қувватлаш ва кенг жамоатчиликка танитиш, катта экранларда ўз ижодини намойиш этишига йўл очиб бериш мақсадида, биринчи марта ташкил этилган PROlogue (муқаддима) – ёш киноижодкорларнинг қисқа метражли фильмлари фестивали ўз ишини бошлади. Мазкур Фестиваль доирасида, “Замонавий Киноиндустрия ускуналари” кўргазмаси очилди! “Ёшлар ижод саройи”нинг катта залида эса, 16 ноябрдан то 19 ноябрга қадар, Фестивалда иштирок этаётган номзод қисқа метражли фильмлар намойишлари бошланди. Фильмлар намойишини “Оқ булут” фильми бошлаб берди. Шунингдек, Фестиваль доирасида, Ўзбекистон Давлат Санъат ва маданият институтида Республикамиздаги Олий таълим муассасаларининг театр студиялари томонидан тайёрланган саҳна кўринишлари, спектакллар ва маҳорат дарслари ҳам бошланди. Фестивалнинг иккинчи кунида ҳам, PROlogue (муқаддима) – ёш киноижодкорларнинг қисқа метражли фильмлари фестивалида номзод сифатида иштирок этаётган фильмлар намойишлари, “Мода ва дизайн” фестивали доирасидаги либослар намойишлари давом этди! Шунингдек, Марказий кўргазмалар залида “Батик жозибаси” Рассомлар кўргазмаси ҳам бўлиб ўтди! Куннинг иккинчи қисмида эса, “Ёшлар ижод саройи”да Эстрада хонандалари иштирокида катта концерт дастури ўтказилиб, унда ёшларнинг севимли эстрада хонандаларидан Шахзода, Райҳон, Муниса Ризаева, Улуғбек Раҳматуллаев ва бошқалар иштирок этишди! “Ёшлар ҳафталиги”нинг учинчи кунида ҳам, кўргазмалар, Фестиваль фильмлари намойиши, ҳамда маҳорат дарслари давом этди. Шунингдек, “Туркистон” саройида “Қувноқлар ва зукколар” кўрик-танловининг финал босқичи бўлиб ўтди. Cаида Вахобова Феруза Фаттохова
“Замонавий Киноиндустрия ускуналари” кўргазмаси, Ўзбекистон Давлат Санъат ва маданият институтида Республикамиздаги Олий таълим муассасаларининг театр студиялари томонидан тайёрланган спектакллар намойиши,
