FATTOHHON.COM

РУХШОНАДАН ВИДЕОПРЕМЬЕРА! “ЯЛЛА-ЯЛЛА”! 24 ҚАВАТ “САРГУЗАШТЛАР”И! 22.07.2014 19:46

 

Рухшонанинг янги “Ялла-ялла” таронаси ва унга суратга олинаётган видеоклип ҳақида хабар қилгандик. МАЪЛУМОТГА ЎТИШ!

Эндиликда клип тайёр бўлди! Клипнинг суратга олиш жараёнлари ҳақиқий саргузаштларга бой бўлди!

 

Клипда Рухшонанинг администратори Маъруфбек ҳам роль ижро қилди ва куйлади!

Шунингдек, Маъруфбекнинг ўғиллари Маъмуржон ва Мўминжон, Рухшонанинг продюсерини қизи Муслима ҳам кичик ролларда чиқишди.

Суратга олиш жараёни саргузаштлари ҳақида Маъруфбек:- Шу клип туфайли Чорсуда жойлашган эски 24 қаватли таъмирланаётган бинони жуда ҳам “яхши кўриб” қолдим! (кулади) Клип эски таъмирланаётган Чорсу меҳмонхонасида олинди. 24 қават, томда! Иссиқда! Хуллас, суратга олиш гуруҳи билан эрталаб соат  06.00 дан, суратга олиш нарсалари, кран (жуда оғир!) амаллаб бино томига, лифтсиз, ўзимиз нарсаларни кўтариб, чиқиб олдик! У ерда Рухшонанинг треклари ва менинг чиқишим суратга олинди. Мен костюм-шимдаман, Рухшона иккинчи сюжетга тайёргарлик қилаётганда мени суратга олишлари керак эди. Суратга тушиб бўлиб, чарчаб ўтирсам, пастдан телефон қилишди. Машинанинг калити менда қолиб кетибди! 24 қаватнинг томидан на пульт олади, на пастга ташласангиз калитни топа оласиз! (кулади) Буни устига, бу ёқда Рухшона туфлиси ва упаси машинамда эканлигини айтса бўладими?)))) Тушиб олиб чиқиш керак бўлди. Қоронғи тушиб қолган, ғира-шира, чироқ йўқ, қўл телефон ёруғида, амаллаб зиналардан, 24 қаватдан пастга тушишимга тўғри келди! Тушиб, керакли нарсаларни олиб, қайтиб 10 қаватга чиққанимда яна телефон бўлиб, яна нимадир қолиб кетганлигини айтишди. Яна қайтиб тушиб, уни ҳам олиб чиқдим. Роса чарчаб, қоронғида, қийналиб, (қўл телефони батареяси ҳам ўчиб қолди) 24 қават томига чиқсам, оператор кутилмаганда “туфли керак эмас, қоронғида кўринмайди!” деса бўладими? Мен, ўзи аслида ўша туфли учун пастга тушгандим! Шунақа жаҳлим чиқди! Жаҳл билан “кияди шу туфлини, кўринмаса ҳам кияди, керак бўлмаса ҳам кияди!” деб юбордим. (кулади) Ўзиям 2 кун оёғимиз оғриганини айтмай қўя қолай! Буни устига 24 қават томига 10 метрли кран олиб чиққанмиз, кранда суратга олиш керак эди! Олиб чиқиш-ку, майли, ёруғ эди. Аммо, қоронғида уни бўлакларга бўлиб, олиб тушишни айтинг! 20 килодан 40 килоли тошларни ҳам қўлимизга бериб қўйишди. Ўзимиз ёрдамлашмоқчи бўлдик-да! “Тош-ку, пастга шундоқ ташлаб юбора қолайлик, ҳеч нарса қилмайди”, десак кўнишмади! Хуллас, амаллаб уни ҳам тепадан пастга олиб тушиб бердик! Яна буни устига чироқ йўқ! Маза! (кулади) Клипнинг ўзи ўша куни эрталаб соат 06.00 дан кечқурун соат 22.00 гача иссиқда суратга олинди! Шу даражада чарчадикки, зўрға хайрлашдик!)))))

 

Рухшона: - Бу клип жараёни бутунлай бошқача ўтди! Бутунлай бошқа ғоя, бошқа ижодий жамоа, ҳамма нарса устида бошқача ишланди! Энг қийини, ўша Чорсудаги бино томидаги суратга олиш ишлари бўлди! Шундай баландда оёқ-қўлларимиз титраб, зўрға суратга олиш ишларини амалга оширдик! Бир умр ёддан чиқмайдиган бўлди! (кулади). Қўшиқ муаллифи Элдор Қаюмов билан янги альбомга шартнома ҳам туздик! “Ялла-ялла” қўшиғини “овоз диапазонингизга мос” деб, Элдор Қаюмов тавсия қилганди. Эшитиб кўрганимизда ёққан! Қўшиқ устида ишланди, мана ҳозир иккинчи, рус тилидаги варианти ҳам тайёр бўлди! Тез кунда тингловчиларга ҳавола этамиз! Клипда 3 хил имиджда чиқдим. Клип 4 та объектда суратга олинди. Аммо, энг кўп жойлари суратга олинган ва мураккаб объект ўша Чорсу меҳмонхонасидаги суратга олиш ишлари бўлди! Ўзи ўша ерда қуёш ботишида суратга олмоқчи эдик. Аммо, макияжим вақтида тайёр бўлмай, улгурмадик. Шунинг учун, тун вақти суратга олдик.

 

ЭНГ МАШАҚҚАТЛИ СУРАТГА ОЛИШ ЖАРАЁНЛАРИНИ БОШИДАН ЎТКАЗГАН КЛИПНИ КЎРИШ ВА КЎЧИРИБ ОЛИШ УЧУН!