FATTOHHON.COM
« Все новости 
Пойтахтимизда 25 ноябрдан 29 ноябрга қадар, Модалар ҳафталиги бўлиб ўтди! Мазкур ҳафталик “Осиё рамзи” Ўзбекистон дизайнерлар ва модельерлар уюшмаси ҳамда, Италиялик дизайнерлар ҳамкорлигида ўтказилди.
Мазкур ҳафталик “Ёшлар ижод саройи” да Стилист ва визажистларнинг Республика кўрик-танлови билан очилди. Ундан сўнг эса, кўплаб ёш дизайнерлар ўз либослари тўпламларининг намойишларини ўтказдилар. Ўз брендига эга бўлган дизайнерлар, модалар уйлари намойишлари ҳам томошабинларда катта таассурот қолдирди. Шунингдек, Миллий либослар фестивали ҳам кўтаринки руҳда ўтди. Мазкур тадбирларда Италиялик дизайнерлар гуруҳи ҳам иштирок этишди.
29 ноябрь куни эса, Гала-fashionshow, мазкур ҳафталикнинг ёпилиш маросими бўлиб ўтди! Унда 20 та дизайнернинг либослар тўпламлари намойиш этилди!
Намойиш этилган ҳар бир либос ўзига хос бўлиб, уларда миллий деталлар мавжудлиги таҳсинга сазовор! Миллий матоларимиздан тикилган замонавий либослар барчага манзур бўлди!
Барча иштирокчи дизайнерлар “Осиё рамзи” Ўзбекистон дизайнерлар ва модельерлар уюшмаси томонидан махсус дипломлар билан тақдирланишди, энг иқтидорлилар эса, махсус сертификатларга эга бўлишди.
Гала-fashionshow да хонандалар Муниса Ризаева, Женисбек Пиязов, Тўлқин Жабборов, “Элдидо” ва “Саҳро” гуруҳлари ҳам иштирок этишди.
Cаида Вахобова