FATTOHHON.COM
« Все новости 
“Сенсиз ҳаёт зерикарли” фильми катта экранларга чиқишига оз фурсат қолмоқда! Фильм 30 августдан барча кинотеатрларда намойиш қилинади. Фильм режиссёри Муҳибилло Убадуллаев.
Фильм ҳақида бош роль ижрочиси, актёр, режиссёр, хонанда ва футболчи Алишер Узоқовнинг фикрлари билан қизиқдик.
Алишер Узоқов: - Фильм режиссёри Муҳбилло Убайдуллаев билан биргаликда ишлаб, фильмда бош роллардан бирини ижро қилдим. Бу фильм комедия эмас, оилага меҳр ҳақидаги фильм! Ҳозир кўпчилик бахт қаердалигини, бахт қадрини тушунмайдиган вақт! Бахт биринчи ўринда оилада, кўчада эмас! Ишда ёки бошқа нарсада ҳам эмас. Бу фильмнинг умумий тушунчаси айнан мана шу ҳақида! Деярли ҳар бир эпизодида ўзига хос мураккаблик бор! Аммо бизнинг ижодий гуруҳ яхши йиғилганлиги учун ҳам, суратга олиш ишларида бошқа жиҳатлардан қийналмадик. Лекин, қишда суратга олганлигимиз учун ҳам, об-ҳаво борасида қийинчиликлар бўлди. Шунинг учун, ўйлайманки, фильмнинг премьераси ҳам бироз чўзилди. Мана қийинчиликлардан ўтиб, фильм премьерасига ҳам етиб келдик! Актриса Асал Шодиева билан навбатдаги жуфтлик сифатида рольижро қилишимиз бўлса ҳам, ўйлайманки, “Жаноб Ҳеч Ким”дан сўнг, бошқа бир-икки биргаликда чиқишларимиз унчалик муваффақиятли чиқмаган, назаримда. Бу фильмда Асал Шодиева билан тандемимиз бутунлай бошқача кўринишда, мен ҳам, Асал ҳам бутунлай бошқача образ ва характерлардамиз! Бу фильмда оилали, 2 фарзанднинг ота-онаси бўлган қаҳрамонлармиз! Бутунлай бошқа мавзу! Томошабинларга манзур бўлади, деб ўйлайман.
Демак, кутамиз, вақт оз қолди!
“СЕНСИЗ ҲАЁТ ЗЕРИКАРЛИ”ФИЛЬМИ
30 АВГУСТДАН КАТТА ЭКРАНЛАРДА!
