FATTOHHON.COM
« Все новости 
Ўзбекистон Халқ артисти Гулсанам Мамазоитова ўзининг “Лайли” қўшиғига видеоклип суратга олдирди. МАЪЛУМОТГА ЎТИШ!
"Лайлиман" қўшиғи (МР3) ҳақидаги маълумотга ўтиш!
Мазкур видеоклип бир кун давомида тонгдан ярим тунга қадар, бир неча объектда суратга олинди.
Аввалига бир неча жуфтликлар асосида клипнинг сюжет қисмини суратга олиш ишлари бўлиб ўтди. Унда, янги чеҳралар билан биргаликда, Шохруххоннинг укаси Шуҳрат Йўлдошев, актёр Беҳзод Тожиев ҳам суратга тушишди.
Сюжет қисми суратга олиб бўлингач, павильонда 2 хил фонда
Гулсанам Мамазоитова билан боғлиқ кадрлар суратга олинди!
Гулсанам Мамазоитова: - Клип ҳам қўшиқ сингари муҳаббат мавзусида суратга олинди. Ёшларнинг муҳаббати, бир-бирига кўнгил қўйиб, севишганларнинг оила қуриб, фарзандли бўлганликлари, ҳаётдан завқланиб яшаётган ёш оилалар, клипда акс эттирилган. Клип фақат яхшиликка хизмат қилади. Ўйлаймизки, клип нафақат ёшларга, балки ёши катта инсонларга ҳам ёқадиган, оилавий кўрадиган, фикр билдирадиган ва ҳаётнинг қадрига етишга ундайдиган клип бўлади! Клип ғояси режиссёр Рауф Набиевнинг ўзига тегишли. Рауф Набиев билан биринчи марта биргаликда ишлашимиз, унинг кўпгина яхши клипларининг гувоҳи бўлганмиз. Кўпгина яхши санъаткорлар билан ишлаган.
-Клип ғоясига қандайдир ўзгартиришлар киритдингизми, ёки режиссёрнинг ғояси тўла-тўкис манзур бўлдими?
Гулсанам Мамазоитова: - Кўп ҳолларда, сюжет суратга олиш жараёнларида ўзгариб кетади. Импровизация қилишга тўғри келади. Энди клип тайёр бўлганида кўрамиз. Лекин, клип ғоясини менга тушунтириб берилганидаёқ маъқул бўлди. Чунки, клипда ёшларнинг тарбиясини бузадиган эмас, аксинча, уларни оиланинг қадрига етишга ундайдиган тўла-тўкис бахт ифода этилган!
-Клипда ўзингиз ҳам роль ижро этмадингизми?
Гулсанам Мамазоитова:-Йўқ! Клипда мен фақат қўшиқ ижро этаман ва ҳикоя қилувчиман! Клипда кўпроқ сюжетларга аҳамият берилган. Ўйлайманки, клипимиз ёшлар ҳаётига озгина бўлса ҳам, тарбиявий томонлама таъсир қила олса, шунга хизмат қилса, биз хурсанд бўламиз!
Суратга олиш ишлари ярим тунга қадар давом этди.
Клипда Гулсанам Мамазоитованинг ўзи 2 хил имиджда намоён бўлади.
Клипда Гулсанам Мамазоитованинг турмуш ўртоғи ҳам, қисман иштирок этди.
Нима учун қисман?
Бу саволга клип тайёр бўлгач, кўриб жавоб олиш мумкин!
Клип декабрь ойи охирларига тайёр бўлиши кутилмоқда.
Саида Вахобова
Феруза Фаттохова
Фотолар учун фотограф Сардор Азимовга миннатдорчилик билдирамиз
