FATTOHHON.COM
« Все новости 
Лоланинг “Севгимсан” қўшиғига суратга олинган клипи, ноодатийлиги билан барчани ҳайрон қолдирди. Мини фильм тарзида суратга олинган клипнинг яратиш жараёни ҳам ижодкорлар учун осон кечгани йўқ!
Клип учун “Ўзбекфильм” павильонида катта ҳажмда декорация қурилди. Тайёргарликнинг ўзи бир неча ой вақтни олди. Суратга олиш ишлари эса, бир ҳафта давом этди.
Бош қаҳрамон йигит ролини ижро этган актёрга ҳавас қилишнинг асло ҳожати йўқ, чунки уни 5 соат мобайнида грим қилишга тўғри келган!
Уни махсус тирноқ, соч ва ҳаттоки тиш билан клипдаги қиёфага киритишган!
Юзидаги ҳар бир соч толаси алоҳида ёпиштириб чиқилган. Бўйи 2 метрлик бу қаҳрамон, клип учун махсус машқлар ёрдамида анча тайёргарлик кўришига ҳам тўғри келган.
Клип учун кадрлар худди фильмдаги каби, тайёрланди. Компьютер графикаси бўйича мутахассислар бу клип устида бир ой меҳнат қилишди!
Ноанъанавий кўринишлар ва сюжетни ўз ичига олган клипда
Лола яна бир бор ўзининг актрисалик маҳоратини тўлақонли намоён этган!
Клип эса, "ҳаттоки маҳлуқ ҳам, меҳр-муҳаббат туфайли ҳақиқий инсон бўла олиши мумкин" деган ғояни илгари сурган!
