FATTOHHON.COM
« Все новости 
MY5 телеканали «Kinolife» кўрсатуви ижодкорлари Янги йил дастурини ўзига хос Тақдирлаш маросими тарзида тайёрлашди.
Тақдирлаш маросимида “Йилнинг энг яхши актуал мавзудаги фильми”, “Энг яхши оилавий фильм”, “Энг яхши кинопродюсер”, “Энг яхши актёр”, “Энг яхши актриса”, “Йил кашфиёти”, “Энг яхши саундтрек”, “Энг яхши қайнона роли” каби бир неча номинацияларда ғолиблар аниқланиб, тақдирландилар.
Овозлар махсус Ҳакамлар Ҳайъати томонидан он-лайн овоз бериш йўли билан қабул қилинди.
Мазкур тақдимотда бизнинг “Кўзёшим” фильмимиз “Энг яхши оилавий фильм” номинациясида ғолиб бўлди! Шунингдек, “Энг яхши кинопродюсер”, ҳамда “Энг яхши қайнона роли” номинацияларида ҳам, дипломларни қўлга киритди! Бунинг учун, MY5 телеканали «Kinolife» кўрсатувига ўз миннатдорчилигимизни билдирамиз.
Дарвоқе, “Кўзёшим” фильмини (Фильм ҳақидаги маълумотга ўтиш!) 20 декабрь якшанба куни MY5 телеканалида соат 18.00 да кўришингиз мумкин.
Cаида Вахобова
Феруза Фаттохова
