FATTOHHON.COM
« Все новости
Миллий мусиқий меросимиз бўлган мақом санъати, ҳамда халқимизнинг асрий қадриятларини бугунги кунда ёшлар, келажак авлодга етказиб, уларнинг маънавиятини юксалтириш борасида, Маданият ва спорт ишлари вазирлиги томонидан кенг кўламли ишлар олиб борилмоқда.
19-25 декабрь кунлари Ўзбекистон Давлат консерваториясида бўлиб ўтган Ёш мақом ижрочилари Республика танловидан ҳам, асосий мақсад, ёшларимизнинг миллий меросимизга бўлган меҳрини янада ошириш, мазкур йўналиш бўйича ижод қилаётган истеъдодли ёшларни қўллаб-қувватлашдир.
(МАЗКУР ТАНЛОВ ҲАҚИДАГИ ТЎЛИҚ МАЪЛУМОТГА ЎТИШ!)
Мазкур танлов жорий йилда илк марта ташкил этилди ва эндиликда, келгусида ҳар икки йилда бир марта ўтказилади.
Танлов ғолибларини тақдирлаш тантанаси ва улар иштирокидаги гала-концерт, 25 декабрь куни Ўзбекистон Консерваториясида бўлиб ўтди. Гала-концертда ҳудудий босқичида ғолиб бўлган хонанда ва созандалар, ансамбллар иштирок этишди.
Тақдирлаш маросимида Маданият ва спорт ишлари Вазири Баҳодир Аҳмедовга сўзга чиқиб, ёшларнинг маънавиятини юксалтириш, мусиқий дидини шакллантириш, истеъдодли ёшларимизга бўлган эътибор, уларга яратилган шароитлар, ёшларни қўллаб-қувватлаш, ҳамда бу борада олиб борилаётган ишлар ҳақида, фикрларини баён этди. Шунингдек, Ёш мақом ижрочилари Республика танловида юқори ўринларни эгаллаган ёшларни самимий табриклади.
Ўзбекистон Халқ артисти Муножот Йўлчиева ҳам мазкур танловдан асосий мақсад, ёш авлодни миллий мумтоз мусиқамизга ҳурмат руҳида тарбиялаш, мусиқий меросимизни авайлаб-асраш ва келажак авлодларга етказиш эканлигини айтиб ўтди.
Танлов ғолибларига диплом ва совғалар топширилди.
Мақом ва ашула ижрочилиги бўйича:
Эркак хонандалар ўртасида:
1-ўрин Сайёд Жўраев, Хушнуд Солижонов, 2-ўрин Илҳом Исмоилов, Таваккалхўжа Насриддинов, 3-ўрин Мирали Худойбердиев, Давлатбек Жўраев.
Аёл хонандалар ўртасида:
1-ўрин Дилором Абдуазимова, Фазилат Аҳмедова, 2-ўрин Зулхумор Халилова, 3-ўрин Ситора Ҳомидова
Мақом чолғу ижрочилиги бўйича якка созандалар ўртасида:
Чертма созлар ижрочилиги
1-ўрин Фарангиз Маҳмудова, 2-ўрин Ўктамжон Болтабоев, 3-ўрин Камолиддин Чориев.
Зарбли созлар ижрочилиги бўйича:
1-ўрин Азимжон Ҳожимаматов, 2-ўрин Отабек Воҳидов, 3-ўрин Фаррух Ҳамидов.
Дамли созлар ижрочилиги бўйича:
1-ўрин Тўлқинбек Таджиев , 2-ўрин Фаррух Мардонов, 3-ўрин Шерзод Шодиев.
Камонли созлар ижрочилиги бўйича:
1-ўрин Саидакмал Нумонов, 2-ўрин Отабек Жўраев, 3-Сарваржон Худойберганов.
Созандалар ансамбли бўйича:
1-ўрин “Ҳамроз” ансамбли, 2-ўрин Фарғона санъат коллежи мақом ансамбли.
Cаида Вахобова
Феруза Фаттохова
Фотолар учун фотограф Сардор Азимов ва
шогирди Шерзод Абдумаликовга миннатдорчилик билдирамиз
