Янгиликлар
« Все новости
“ЯГОНАСАН, МУҚАДДАС ВАТАН!” РЕСПУБЛИКА КЎРИК-ТАНЛОВИНИНГ ЯКУНИЙ БОСҚИЧИ ҒОЛИБЛАРИ... 18.09.2019 23:53
2019 йил 10 август куни “Туркистон” санъат саройида ўтказилган “Ягонасан, муқаддас Ватан!” Республика кўрик-танловининг якуний босқичи ғолиблари эълон қилинди.
Ўзбекистон Республикаси давлат мустақиллигининг 28 йиллигига бағишлаб ўтказилган Ватанни мадҳ этувчи қўшиқлар танлови, жорий йилда “Жонажон Ўзбекистоним, мангу бўл омон!” шиори остида ташкил этилди.
Мазкур анъанавий танлов Ўзбекистон Республикаси Президентининг “Ягонасан, муқаддас Ватан!” Республика кўрик-танловини ўтказиш тўғрисида” 2009 йил 7 апрелдаги ПҚ-1091-сон ҳамда “Ўзбекистон Республикаси давлат мустақиллигининг йигирма саккиз йиллик байрамига тайёргарлик кўриш ва уни ўтказиш тўғрисида” 2019 йил 8 июлдаги ПҚ-4386-сон қарорлари асосида Маданият вазирлиги, Ички ишлар, Мудофаа, Олий ва ўрта-махсус таълим вазирликлари, Ўзбекистон Миллий гвардияси ҳамда Ўзбекистон композиторлари ва бастакорлари уюшмаси, “Ўзбекконцерт” давлат муассасаси тизимида ташкил этилган.
2009 йилдан буён ўтказиб келинаётган “Ягонасан, муқаддас Ватан!” республика кўрик-танлови она заминга меҳр-муҳаббат, Ватанга садоқат, юртимизда ҳукм сураётган тинч ва осойишта ҳаётни, миллатларо дўстлик ва ҳамжиҳатлик, шукроналикни тараннум этувчи янгидан янги куй ва қўшиқлар яратилишига кенг имконият бермоқда. Шунингдек, танловдан “Жонажон Ўзбекистоним, мангу бўл омон!” деган эзгу ғояни қалбларга жо этган ҳолда куй ва қўшиқлар орқали изҳор этиш, Ватан тақдири учун дахлдорлик ҳисси билан йўғрилган мазмунан теран, бадиий етук қўшиқлар яратишни рағбатлантириш ҳамда уларни эл-юртимизнинг маънавий мулкига айлантиришдек улуғ мақсад кўзда тутилган.
“Ягонасан, муқаддас Ватан” кўрик-танловининг республика якуний босқичи натижалари
|
№ |
Фамилияси, исми шарифи |
Вазирлик ва идоралар номи |
Асар номи |
Эгаллаган ўрни |
|
1 |
Нафиса Фармонова Шукуровна |
Маданият вазирлиги |
“Уйғон болам энг бебаҳо бахт учун” Ихтиёр Ражабов мусиқаси, Сирожиддин Сайид сўзи
|
1 ўрин |
|
2 |
Нуриддин Бахриев Вахобиддинович
|
Маданият вазирлиги |
“Юртим” Вахобиддин Бахриев мусиқаси Абдулла Орипов сўзи
|
1 ўрин |
|
3 |
Шохбос Хабиев Алимжон ўғли
|
Миллий гвардия
|
“Замонавий армия” Шуҳрат Дадажонов мусиқаси Анвар Обиджон сўзи |
2 ўрин |
|
4 |
Хусниддин Халимкулов Фахритдинович |
Бастакорлар уюшмаси
|
“Фидоийлар” Фарход Абдуллаев мусиқаси Азизбек Турдиев сўзи
|
2 ўрин |
|
5 |
ИИВ Маданият саройи қўшиқ ва рақс ансамбли |
Ички ишлар вазирлиги
|
“Аввал Ватан” Зокиржон Тўйчиев мусиқаси Маҳмуд Тоиров сўзи
|
3 ўрин |
|
6 |
Наурыз Махаммадияров Иняминович |
Маданият вазирлиги |
“Жасай бер Аралым, Мойнағим, Мойнақ” Нажиматдин Мухаммеддинов мусиқаси Нажиматдин Мухаммеддинов сўзи
|
3 ўрин |
|
7 |
Ака-ука Бобожоновлар жамоаси
|
Маданият вазирлиги |
“Ўзбекман” Мирзобек Бобожонов мусиқаси ва сўзи |
3 ўрин |