FATTOHHON.COM

Шу кунларда юртимиз бўйлаб Ўзбекистон Республикаси Давлат мустақиллигининг 30 йиллигига бағишлаб, “Янги Ўзбекистонда эркин ва фаровон яшайлик” шиори остида, маданий-маърифий тарғибот ташвиқот тадбирлари ташкил этилмоқда. Шу муносабат билан “Ўзбекконцерт” давлат муассасаси томонидан 6 июнь куни соат 19:00 да пойтахтимиздаги “Туркистон” санъат саройининг ёзги амфитеатрида “Кўнгилларда Ватан мадҳи” деб номланган концерт дастури тақдим этилди. 

Мазкур концерт дастурида “Ниҳол” давлат мукофоти совриндорлари, таниқли эстрада хонандалари ҳамда,  бир қатор ёш хонандалар иштирок этишди.

 Кўтаринки кайфиятдаги бу концерт дастури давомида, томошабинлар орасидан ҳам  истеъдодлар саҳнага таклиф этилди. Улар орасида 3 ёшдан 12 ёшгача бўлган болажонларнинг ижро этган шеъру қўшиқлари, томошабинларга янада хушкайфият улашди.