FATTOHHON.COM
« Все новости
Куни кеча “Халқлар дўстлиги” саройида Зокиржон Қаюмов режиссёрлигида фан, маданиятимиз, санъатимиз ривожига муносиб ҳисса қўшган азиз инсонлар хотирасига бағишланган “Унутмоқ осонмас” хотира концерт дастури бўлиб ўтди.
Мазкур концерт дастурида элимиз қалбида яшаб келаётган устозлар, бевақт оламдан ўтган санъаткорлар, режиссёр, актёр, сўз усталари, телебошловчилар хотираси ёдга олинди.
Концерт давомида устозлар хотираси ёдга олинган видеолавҳалар намойиш қилинди! Бу таъсирли видеолавҳаларда, фан, маданиятимиз, санъатимиз ривожига муносиб ҳисса қўшган азиз инсонларнинг ҳаёти, фаолияти ҳақида сўз борди.
Концертда уларнинг шогирдлари, яқин ҳамкасблари ҳам иштирок этиб, улар ҳақидаги хотиралар билан бўлишдилар.
Концертда Ўзбекистон ва Қорақалпоғистон Халқ артисти Ғуломжон Ёқубов,
устоз санъаткор Ҳожиакбар Ҳамидов,
Ўзбекистонда хизмат кўрсатган артистлар Равшан Комилов,
Кумуш Раззоқова,
Шуҳрат Қаюмов,
Илҳом Фармонов
ва бошқа хонандалар иштирок этиб, ўз хотиралари билан бўлишиб, шу билан бирга таъсирли куй-қўшиқлардан ҳавола этдилар.
ВИДЕО:
Фан, санъат, маданият ривожига ҳисса қўшган устозлар хотираси инсонлар қалбида абадий яшайди. Улар яратган ижод, улар қолдирган маънавий мерос, шогирдлари ҳамда халқимиз тилида авлоддан авлодга ўтиб бораверади.
ВИДЕО:
Бундай концерт дастурлари ёшларимиз қалбида ўтган улуғ инсонлар хотирасига ҳурмат ҳамда, инсонларнинг қадрига етиш, Ватанга муҳаббат туйғуларини оширишга хизмат қилади.
Саида Вахобова
Феруза Фаттохова
