FATTOHHON.COM
« Все новости 
Нью-Йорк мода ҳафталиги (NYFW) доирасида,Нью-Йорк шаҳридаги Dimenna Мумтоз мусиқа марказида 12 сентябрь куни Америкалик америкалик таниқли дизайнер Лорис Диран (Loris Diran) нинг янги “Самарқанд” номли “ 2014 Баҳор, Ёз аёллар ва эркаклар либослари” коллекцияси намойиши бўлиб ўтди.
Мазкур коллекциянинг энг омма эътиборини тортган жиҳатларидан бири эса, Диран ва GULI бренди ҳамкорлигининг илк маҳсули ҳам мазкур коллекциядан ўрин олди.
Лорис Диран (Loris Diran) ўзининг заргарлик буюмлари, либослари коллекциялари ва аксуссуарларида бугунги дунё модасининг замонавий тенденцияларини шарқона нафосат билан уйғунлаштира олган таниқли дизайнерлардан. У ўзининг янги “Самарқанд” либослар коллекциясини, GULI брендининг шарқона услубда ишланган қимматбаҳо безаклари ва гўзал аксессуарлари (клатчлар, сумкалар, ёқалар, белбоғ ва оёқ кийимлари) билан бойитди!
Мазкур коллекциянинг яратилишига эса, муаллифнинг Ўзбекистон диёрига қилган сафари сабаб бўлди! Лорис Диран 2012 йил санъат, дизайн ва мода бўйича, Марказий Осиёдаги энг катта лойиҳа Ўзбекистонда ўтказилган “ART WEEK STYLE.UZ” ҳафталигида, ўз ишларини намойиш этган эди. Ўшанда дизайнерда Нью-Йорк шаҳрининг замонавий руҳи ва Шарқнинг дилларга ўзгача кайфият берувчи нафосатини ўзида уйғунлаштирган янги коллекция яратиш ғояси, пайдо бўлган.
Шарқнинг ўзига хос руҳияти, қадимий меъморий ёдгорлик иншоотларининг ҳашамати Лорис Диранга ғарблик сайёҳнинг кўрган-кечирганлари, бетакрор нақшли безаклар, сатин ва ипак матолар ҳақида ҳикоя қилувчи “эртак” яратишига сабаб бўлди.
Лорис Диран: - Мени нафақат Ўзбекистон, балки бу мамлакат халқининг ўз маданияти, тарихи, қадимий анъаналарига ҳурмат билан бўлган муносабати ҳам илҳомлантирди. Лекин, мени ҳаммасидан ҳам кўпроқ “GULI” бренди ва унинг муаллифи Гулнора Каримова ҳайратда қолдирди! У ноёб заргарлик буюмлари, турли гўзал либослар, аксессуарлар ва бошқа кўплаб нарсалар яратади, қўшиқ ҳам куйлайди. Мен намойиш вақтида унинг композициясидан ҳам фойдаландим, уйда ҳам тез-тез унинг қўшиқларини тинглаб тураман. Асосийси, Гулнора Каримова қадимий анъаналарни қайта жонлантирмоқда, айнан миллий маданиятдан куч олган ҳолда иш олиб бораётган ёш дизайнерлар, рассом ва ҳунармандларни қўллаб-қувватлаб, замонавий мода ва дизайннинг ривожига катта ҳисса қўшмоқда! Мен Гулнора Каримова томонидан ташкил этилган “ART WEEK STYLE.UZ” ҳафталигига ўз коллекциямни намойиш қилишга борганимда, тан олиб айтишим керак, бу мамлакат ҳақида кўп нарса билмасам ҳам бундай кенг масштабдаги тадбир бўлишига шубҳам йўқ эди. Carolina Herrera, Versace, Dolce&Gabbana каби дунёга машҳур брендлар ҳам у ерда ўз намойишларини ўтказишди. “ART WEEK” Тошкентда ҳар йили кузда ўтказилади. Мен ўзим учун у ерда, Буюк ипак йўлидаги жуда бой маданият ва ўзига хос анъаналарга эга бўлган замонавий ва жўшқин ҳудудни кашф этдим. Ўшанда мен “ўзимнинг кейинги коллекциямни Ўзбекистонга бағишлайман”, деб ўйлагандим. Ўзимнинг эстетик тасаввурларимни Марказий Осиё ғоялари, газламалари ва ранглари билан уйғунлаштирган ҳолда коллекция яратиш мен учун жуда завқли кечди! GULI брендининг заргарлик буюмлари ва аксессуарлари коллекциянинг фавқулодда ажойиб чиқишига имкон яратди!
NYFWда ўз ижодий изланишларини доимий равишда намойиш этиб келувчи дизайнер айнан мана шу коллекция билан яна Нью-Йорк подиумига чиқди. Охирги икки йил мобайнида Лорис Дираннинг коллекциялари истисно тарзида Италия ва Осиёда намойиш этилганди. Диран томонидан яратилган либосларни актриса Сара Жессика Паркер, хонандалар Бейонсе, Ne-Yo, Рики Мартин, Жонатан Риз Майерс, Николлетт Шеридан, София Милос, Бритни Спирс, Лив Шрайбер, Андрю МакКарти ва бошқа машҳур инсонлар эгнида кўриш мумкин.
Модельер асли келиб чиқиши франциялик бўлиб, ёшлигида оиласи билан Америка Қўшма Штатларига доимий яшаш учун кўчиб келган. У аввалига Versace ва Chanel модалар уйларида ўз фаолиятини бошлаган. Сўнгра, 2003 йилда Loris Diran COTURE деб номланган ўз либослар линиясини яратган. Аввалига, у фақат аёллар либослари билан шуғулланган, лекин кейинчалик Loris Diran эркаклар учун ҳам либослар ярата бошлади. Ўз бутигига эга. Либосларида асосан креативликка эътибор қаратади. Унинг янги "Самарқанд" коллекциясини, GULI брендининг нафис ва шарқона услубда ишланган қимматбаҳо безаклари ва гўзал аксессуарлари билан бойитилиши, ниҳоятда муваффақиятли чиқди ва мода оламида ўзига хос янгилик бўлди!
